Matiu 12:28 - Holy Bible Nigerian Pidgin English

²⁸ But if na God Spirit I take dey drive demons, den God Kingdom don already kom meet una.

Matiu 12:28 ပူးပေါင်းရင်းမြစ်များ

Daniel 2:44

For di time wey dis kings go dey rule, God wey dey heaven go raiz one kind kingdom wey nor go ever end. Dem nor go fit distroy di kingdom and anoda pesin nor go rule am. E go distroy and skata all di oda kingdoms. But dis kingdom go stand forever.

Daniel 7:14

Dem gi-am authority, honor and pawa to rule. Evribody, nashon and pipol from difren tribe, go serve am. En pawa go last forever and nobody go fit distroy en kingdom.

Matiu 12:18

“Na my savant wey I choose bi dis, di One wey I love, wey I dey happy with. I go put my Spirit inside am and e go judge di world.

Matiu 12:29

“How pesin go fit break enter strong man house kon tif en propaty, unless e first tie di strong man? Den, e go get shance tif wetin dey di house.

Matiu 21:31

“Wish of di two shidren do wetin dia papa wont?” Dem ansa, “Na di first one.” Jesus kon tell dem, “I tell una true word, tax kollectors and ashawo dem go first una enter God Kingdom!

Matiu 21:43

“Na dis make mi tell una sey, ‘Dem go take God Kingdom from una and dem go gi-am to pipol wey go bear di kind fruit wey E wont.’

Matiu 4:24

So di news about Jesus kon spread go evriwhere for Siria. Dem kon bring pipol wey nor well, wey nor fit waka, pipol wey devil dey worry and di pipol wey demon dey inside dem, kom meet am and e heal all of dem.

Matiu 6:33

But make una first do di good tins wey God wont and evry oda tin go bi una own.

Mark 1:15

“Di time wey God promise sey en kingdom go kom don rish. So make una leave di sins wey una dey do kon bilive di Good News.”

Mark 11:10

God don bless awa papa David kingdom wey dey kom. Hosanna, wi hail o-o!”

Mark 16:17

Dis signs go follow pipol wey bilive: With my name, dem go drive demon komot from pipol body; dem go speak new language wey dem nor learn;

Luke 10:11

‘Even di san for una town wey dey awa leg, wi shake am komot make e bi witness against una. But make una know sey: God Kingdom don kom meet una.’

Luke 11:20

But if na God pawa I take dey drive demon komot, den God Kingdom don rish where una dey.

Luke 16:16

“Moses Law and di tins wey di profets rite, naim pipol dey follow, before John di Baptist kom. But since e kom, dem don dey prish di Good News about God Kingdom and evribody won force ensef enter.

Luke 9:2

Den e kon send dem go prish about God Kingdom and heal pipol wey nor well.

Acts 10:38

Jesus Christ wey kom from Nazaret, na-im God give di Holy Spirit and pawa. Una still know how e do good for evriwhere kon heal pipol wey devil dey opress, bikos God dey with am.

Romans 14:17

Bikos God kingdom nor bi food and drink matter, but na about raitiousness, peace and joy wey di Holy Spirit dey give pipol.

Kolossians 1:13

E save us from darkness pawa and put us for di kingdom wey E give di pikin wey E love.

Hibru 12:28

Since wi don receive di kingdom wey dem nor fit skata, make wi tank and woship God with respet and fear. Make wi gi-am di kind woship wey go make belle sweet am.

1 John 3:8

But pesin wey dey like to sin, na devil pikin, bikos devil dey sin from di biginnin. Na dis one make God Pikin kom dis world, so dat e go skata all di work wey devil dey do.