Matiu 10:16 - Holy Bible Nigerian Pidgin English

¹⁶ “Si! I dey send una go like sheep for where plenty wiked animals dey, so make una dey wise like snake and gentol like dove.

Matiu 10:16 ပူးပေါင်းရင်းမြစ်များ

Jenesis 3:1

Na snake play wayo pass any wiked animal wey God kreate. So di snake tell di woman, “Na true sey God sey, ‘Make una nor chop from all di tree wey dey di gardin’?”

Jenesis 3:13

Den Oga God tell di woman. “Wetin bi dis wey yu don do so?” Di woman ansa, “Di snake deceive mi and I kon chop from am.”

Nehemaya 4:13

So I give di pipol swod, bow and arrow kon put some pipol for back of di walls and some for open space.

Jeremaya 40:16

But Gedalaya ansa, “Make yu nor do am! Bikos wetin yu dey tok about Ishmael so, na lie!”

Hosea 7:11

Efraim pipol dey waka up-and-down like bird wey dem dey kwik deceive; dem koll Egypt pipol make dem kom help dem fight; but afta, dem run go koll Assyria pipol too!

Matiu 24:25

Make una remember wetin I dey tell una so, before dem go happen.

Matiu 24:45

“Who bi di savant wey wise and good? Na di pesin wey en oga make leader among di oda savants, so dat e go give dem food for di korrect time.

Matiu 25:2

Five get sense and five nor get sense.

Matiu 25:4

But di ones wey get sense karry estra kerosine.

Matiu 25:9

“But dem ansa, ‘No! Wetin wi get nor go rish wi share, instead make una go buy for unasef.’

Luke 10:3

Make una go! I dey send una like small-small sheep go meet wiked animal.

Luke 21:15

bikos I go give una di word wey una go tok and wisdom wey una enemy nor go fit oppoz.

Acts 20:29

I know sey afta I don go, wiked pipol with bad mind go kom join una and dis pipol nor go sorry for di ship.

1 Korintians 14:20

My brodas and sistas, make una stop to tink like small shidren. Instead make una dey tink like mature pipol and dey innocent like pikin wey dem just born.

2 Korintians 1:12

Wi dey happy, bikos wi know sey di way wi dey live awa life for dis world and how wi dey bihave with una, dey show sey na God send us thru en pawa, nor bi human being own.

2 Korintians 11:14

E nor sopraiz us, bikos even Satan dey pritend sey en na angel wey get lite.

2 Korintians 11:3

But I dey fear sey, just as di snake deceive Eve with en wayo, una mind fit spoil komot for di true and di way wey una dey follow Christ.

2 Korintians 8:20

Wi dey do like dis, so dat nobody go komplain as wi dey share dis gift.

Filippians 2:15

so dat una nor go get any blame and una go dey klean. God Pikin nor get fault; even doh una dey live for di world wey bad pipol dey, una go dey shine like stars,

Kolossians 1:9

Bikos of dis, wi too, since wi hear about una, wi neva stop to dey pray for una. Wi dey tell God make E show una wetin E wont, so dat una go dey wise and undastand God Spirit,

Kolossians 4:5

Make una dey wise as una dey tok with pipol wey nor dey follow Christ. Make una use evry shance wey una get well.

1 Tesalonians 2:10

As wi dey live with una wey bilive Christ, una and God na awa witness sey, wi dey holy and dey do good tins for God eye without fault.

1 Tesalonians 5:22

Make una nor put hand for wiked and evil tins.