Mark 9:18 - Holy Bible Nigerian Pidgin English

¹⁸ Anytime di spirit seize am, e go trow am down and e go dey bring foam from en mout, dey grind en tit and en body go kon strait. I tell yor disciples make dem drive di demon komot, but dem nor fit.”

Mark 9:18 ပူးပေါင်းရင်းမြစ်များ

Job 16:9

God don skata mi, bikos E dey vex. E tear mi with en tit and dey look mi one kind.

Psalms 112:10

Wen wiked pipol si dis tins, dem go dey fear and worry; dem go grind dia tit dey vex; dem go melt trowey and evritin wey dem wont, go distroy.

Matiu 15:22

For der, one Kanaan woman kry kom meet am sey, “Oga God, David Pikin, make yu sorry for mi! My dota nor well, bikos demon dey trobol am!”

Matiu 17:16

I bring am kom meet yor disciples, but dem nor fit heal am.”

Matiu 8:12

But dem go trow di pipol wey suppose enter di Kingdom for darkness, where dem go dey kry and grind dia tit.”

Mark 11:23

I tell una true word, if anybody tell dis mountin, ‘Komot from here go enter di sea’ and di pesin nor get doubol mind, but bilive sey wetin e tok go happen, God go do am for am.

Mark 9:17

One pesin among di pipol kon ansa, “Tisha, I bring my pikin wey get demon wey dey make am nor fit tok, kom meet yu.

Mark 9:19

Jesus kon ask en disciples, “Una wey nor bilive! How long I go stay with una? How long I go dey bear with una? Make una bring di boy kom meet mi.”

Mark 9:20

So, dem take di boy go meet am. Wen di spirit si Jesus, e kwik-kwik trow di boy for groun kon make am dey shake. Di boy fall for groun, dey roll and foam dey komot from en mout.

Mark 9:26

Di demon shaut, shake di boy well-well kon komot from en body. Di boy sleep for groun sotey many pipol kon dey sey, “E don die!”

Acts 7:54

As di kansol membas hear all di tins wey Stefen tok, dem kon dey vex well-well.

Jude 1:13

Dem bi like wave for sea wey dey foam kom out. Dem bi like star wey nor dey stay one place and God don keep di place wey deep pass for darkness, dey wait dem.