Mark 7:21 - Holy Bible Nigerian Pidgin English

²¹ Bikos to sleep with who yu nor marry, to tif, to kill pesin,

Mark 7:21 ပူးပေါင်းရင်းမြစ်များ

Jenesis 6:5

But di Oga God si as human being wikedness don strong for di eart. Evritin wey dem dey tink for dia mind, na how to do evil tins.

Jenesis 8:21

Di ofrin smell kon make belle sweet God, so E tell ensef, “I nor go ever curse di eart again, bikos of wetin human being do; even doh I know sey since wen I kreate dem, na only bad tins dem dey tink. I nor go ever distroy evritin wey get life as I don do so.

Job 14:4

No klean tin fit kom from wetin nor klean like human being.

Job 25:4

Anybody fit dey klean before God? How yu wey woman born won take dey pure?

Psalms 119:36

Instead of to dey love money, make Yu let mi dey worry to know yor laws!

Psalms 14:1

Na only fools dey tok for dia heart sey, “God nor dey.” Dem nor good at-all and dia ways bad well-well. No one among dem dey do wetin good!

Psalms 14:3

But e nor dey, bikos evribody don turn from am; evribody don spoil finish. Nobody dey do good again. Yes! E nor get anybody at-all.

Psalms 53:1

Na fools dey tok for dia heart sey, “God nor dey.” Dem don spoil; na bad tins dem dey do and e nor get any one among dem wey dey do good!

Psalms 53:3

But nor bi so. Evribody don dey sin; evribody don spoil finish. E nor get anybody wey dey do good at-all!

Proverbs 15:25

God dey skata proud pipol house, but wimen wey dia husband don die, God dey protet dia propaty.

Proverbs 4:23

Make yu dey kareful about wetin yu dey tink, bikos na wetin yu tink for yor heart, yu go do.

Isaya 59:13

Wi don fight, rijet and refuse to follow Yu. Wi opress odas kon turn from Yu. All wetin wi dey tok and tink, na lie dem bi.

Isaya 59:7

Na only evil tins una dey plan to do. Una nor dey fear to kill innocent pipol. Anywhere wey una dey go, na only wahala una dey kause for der

Jeremaya 16:12

And naw, una sin even worse pass dia own. All of una sturbon, wiked and nor dey obey mi.

Jeremaya 17:9

Na wikedness full human being mind and e bad well-well. Na who go fit undastand am?

Jeremaya 4:14

“So Jerusalem pipol, make una from una heart stop all di bad-bad tins wey una dey do, so dat una go dey save. Wetin make una nor fit stop to tink bad-bad tins?

Ezekiel 38:10

Dis na wetin God wey get pawa dey tell Gog: “Wen dat time don rish, yu go start to tink of di wiked tins wey yu go do.

Matiu 15:19

Na from pesin heart bad-bad tins dey kom out and na dis tins dey make dem kill; sleep with who dem nor marry; tif; lie and judge pesin for en back.

Matiu 9:4

Wen Jesus know wetin dem dey tok, e kon ask dem, “Wetin make una dey tink dis kind bad tin for una mind?

Mark 7:20

Jesus kon sey, “Wetin kom out from pesin heart, naim dey make am dirty.

Mark 7:22

to sleep with anoda pesin husband or wife, long-trot, evil tins, to deceive pesin, to dey misbihave, jealousy, to spoil anoda pesin, to karry body up and to do foolish tins, na from inside pesin heart all dis bad-bad tins dey from kom.

Luke 16:15

But Jesus tell dem, “Na una dey make unasef good for pipol eye, but God know una heart. Bikos wetin human being value well-well, naim God nor like.

Acts 5:4

Before una sell di land, nor bi una own propaty? Naw wen una sell am finish, di money nor still bi una own to spend as una like? Wetin make una get dis kind mind? Dis lie wey yu tok so, nor bi pesin yu do am to, but na God!”

Acts 8:22

So make yu turn from sin kom meet God and from di bad tins wey dey yor mind and pray make God forgive yu.

Romans 7:5

Wen wi still dey di world, di law dey make us do bad tins wey awa body wont and all dis tins dey bring deat.

Romans 7:8

But bikos of di law, di sin pawa wey dey inside mi kon dey make mi tink about tins wey nor good and if law nor dey, sin for nor get pawa for my life.

Kolossians 3:5

So make una kill evry bad karata wey dis world dey bring: Like to dey sleep with pesin wey una nor marry; dey bihave anyhow; follow dis world tins; dey do bad tins; long-trot and to serve juju.

Titus 3:3

Before naw, wi dey bihave like fool; wi nor dey obey; wi dey deceive pipol; wi bi savant to tins wey dey sweet us; wi dey do bad tins and dey jealous odas; pipol hate us and wi hate dem too.

James 2:4

Dat mean sey una dey do parsha and kondemn pipol from una mind.