Mark 16:19 - Holy Bible Nigerian Pidgin English

¹⁹ Afta Jesus don tok to dem finish, God kon karry am go heaven and e sidan for God rite side.

Mark 16:19 ပူးပေါင်းရင်းမြစ်များ

Psalms 110:1

Di OGA tell my Oga God, “Make Yu sidan for where honor dey for my rite hand, until I don put all yor enemies under yor leg.”

Mark 16:20

Den, di disciples go evriwhere for di aria dey prish di gospel and Jesus dey do many mirakles thru dem, so dat pipol go know sey, wetin dem dey prish, na true.]

Luke 22:69

But from naw go, Man Pikin go sidan for God rite hand where pawa dey.”

Luke 9:51

Wen di time wey God go take Jesus go heaven don near, Jesus tink for en mind sey, e go-go Jerusalem.

John 13:1

Before dem do di Passova Feast, Jesus know sey en time don rish wen e go komot for dis world go meet en Papa. Bikos e love di pipol wey dey di world, e kon show dem how en love for dem strong rish.

John 16:28

Na my Papa send mi kom dis world, but naw, I dey go back go meet am.”

John 17:13

Since I dey kom meet yu, I dey tok all dis tins for di world, so dat dia joy go full well-well.

John 20:17

Jesus ansa am, “Make yu neva tosh mi, bikos I neva go meet my Papa for heaven. Go meet my brodas, tell dem sey, ‘I dey go heaven go meet my Papa, wey bi yor Papa too; my God, wey bi yor God too.’ ”

John 21:15

Wen dem don chop finish, Jesus ask Simon Pita, “Simon, John pikin, yu love mi pass all dis tins?” E ansa, “Yes, Oga God! Yu know sey I love yu.” Jesus kon tell am, “Make yu feed my sheep.”

John 21:22

Jesus ansa am, “Make yu mind yor own business. If I wont sey make e stay until I kom back, wish one koncern yu inside? Make yu yorsef follow mi.”

John 6:62

Wetin go happen if una si Man Pikin go back to heaven where e dey before?

Acts 1:22

from wen dem baptize am, until e go up leave us; make e kon join us tell pipol di trut sey, Jesus Christ don raiz-up from grave.”

Acts 2:33

Bikos God don promote am make e dey en rite hand and e don receive di Holy Spirit wey en Papa promise and naw, e don pour di Holy Spirit for awa body, as una si am dey happen so.

Acts 3:21

Dis Jesus Christ go stay for heaven till di time wey God go make evritin betta again as E don tok thru en holy profets.

Romans 8:34

Who bi di pesin wey go kondemn us? Na Jesus Christ wey die for us; di pesin wey God raiz from deat and naw, e dey for God rite hand side dey pray for us.

Kolossians 3:1

So, if God raiz una with Christ, den make una put mind for tins wey dey heaven; di place where Christ for sidan for God rite side.

1 Timoti 3:16

Wi know sey God ways dey great well-well: Christ kom as human being; di Spirit show sey e dey free; angels si am wen e kom prish among Gentile pipol; pipol bilive am for di world and God karry am go heaven with glory.

Hibru 1:3

Na dis pikin bi God image and e dey show God glory. Naim dey keep evritin wey dey dis world with en pawa. Afta e don die make God for forgive evribody dia sins, e kon go sidan for God rite side for heaven.

Hibru 12:2

Make wi dey look Jesus Christ wey give us awa faith and go help us keep am. Bikos of di joy wey Jesus dey espect, e sofa for cross and nor mind di shame wey follow am. But naw, e don sidan for di rite hand side for God throne.

Hibru 4:14

Jesus wey bi God Pikin, na-im bi awa High Priest wey don go heaven. Make wi hold am tait and always dey bilive am.

Hibru 6:20

di place where Jesus don enter for us and don bikom High Priest forever, just as Melkizedek bi.

Hibru 7:26

Na Jesus bi di High Priest wey wi nid. E nor dey do bad tin; e dey holy; nor dey make mistake and e nor bi like wi, wey bi sinnas. God praiz am pass evritin wey dey heaven

Hibru 8:1

Wetin I mean bi sey: Wi get High Priest wey sidan for God rite hand side for heaven.

Hibru 9:24

Christ nor enter di Holy Place wey human being build like di original building for heaven, but na heaven e enter and naw, e stand for God present for awa sake.

1 Pita 3:22

go heaven kon go sidan for God rite hand, where e dey rule di angels and doz wey get pawa.