Mark 16:16 - Holy Bible Nigerian Pidgin English

¹⁶ Anybody wey bilive and dem baptize am, God go save am, but anybody wey nor bilive, God go kondemn am.

Mark 16:16 ပူးပေါင်းရင်းမြစ်များ

Matiu 28:19

So make una go make pipol my disciples for di whole world, dey baptize dem with di Papa, di Pikin and di Holy Spirit name,

Mark 1:15

“Di time wey God promise sey en kingdom go kom don rish. So make una leave di sins wey una dey do kon bilive di Good News.”

Luke 8:12

Di ones wey fall for road, na di pipol wey hear God word, but devil kon tif am from dia heart, so dat dem nor go bilive and God nor go save dem.

John 20:31

But dis tins wey dem rite so, na make una for bilive sey na Jesus bi di Christ and naim bi Man Pikin and if una bilive am, una go get life thru en name.

John 3:36

Pesin wey bilive di only pikin wey God get, go get life wey nor dey end. But pesin wey nor bilive Man Pikin, nor go get life at-all. God go always dey vex with dat kind pesin.”

John 3:5

Jesus ansa am, “I tell yu di trut, unless God born pesin with wota and en Spirit, di pesin nor go fit enter God kingdom.

John 5:24

“I tell una true word, di pesin wey take wetin I tok and bilive sey na di Papa send mi, go get life wey nor dey end and e nor go enter hell-fire, but e go get life wey nor dey end.

John 6:29

Jesus ansa, “God wont sey make una bilive di pesin wey E send.”

John 6:35

Jesus kon tell dem, “Na mi bi di bread wey dey give life. Pesin wey kom meet mi nor go hongry lie-lie and di pesin wey bilive mi, nor go hongry for wota again.

John 6:40

Wetin my Papa wont bi sey, anybody wey bilive en pikin, go get life wey nor dey end and I go wake am up for di last day.”

John 8:24

Na dis make mi sey una go die inside una sin. Unless una bilive sey, ‘Na mi bi di pesin wey I tok sey I bi’, una go die inside una sin.”

Acts 10:43

All di profets tok about am sey, ‘Evribody wey bilive am, thru en name, God go forgive dem.’ ”

Acts 13:39

True am, evribody wey bilive, go dey free from evritin wey Moses Law nor fit free dem from.

Acts 13:46

Paul and Banabas kon use boldness take ansa dem, “E good sey na una wi first prish God word give. But since una rijet am and una nor ready to get life wey nor dey end, wi go-go prish give Gentile pipol.

Acts 2:38

Pita ansa dem, “Make una turn from sin kom meet God one-by-one and make dem baptize una with Jesus Christ name, so dat God go forgive una, den una go fit receive di Holy Spirit.

Acts 2:41

So, dem baptize all of dem wey bilive wetin e prish and dem rish 3,000 pipol wey join dem dat day.

Acts 22:16

Naw, wetin yu dey wait for? Get up, make dem baptize yu, so dat God go forgive yu yor sin, as yu koll en name.’

Romans 3:6

Wi nor fit tok so at-all! If God nor dey rite, na how E go kon take judge di world?

Romans 4:24

No! E tok am for wi too wey God go still asept as raitious pipol; wi wey bilive sey God raiz Jesus Christ from deat.

2 Tesalonians 1:8

Den Christ go use fire wey nor dey kwensh take ponish doz wey nor know God and wey nor dey obey wetin wi dey prish about am.

2 Tesalonians 2:12

Den God go distroy dem, bikos dem enjoy sin instead of di trut.

1 Pita 1:21

True am, una bilive God wey raiz am from deat kon gi-am glory. So, una faith and hope dey for God hand.

1 Pita 3:21

Dis show how baptizim go save us, nor bi just to wosh dirty komot for pesin body, but na to show sey wi get good mind for God thru di way wey Jesus Christ take raiz-up

Revelashon 20:15

Anybody wey dem nor si en name inside di Life Book, dem go trowey am inside di big fire.

Revelashon 21:8

But for pipol wey fear nor dey let dem do wetin good; doz wey nor bilive mi, doz wey nor dey obey mi; doz wey kill odas; pipol wey dey sleep with who dem nor marry; doz wey dey do majik; pipol wey dey serve juju and evribody wey dey tok lie, na inside di fire and sulfur dem go-go. And na dat bi di sekond deat.”