Mark 10:14 - Holy Bible Nigerian Pidgin English

¹⁴ But wen Jesus si wetin dey happen, e vex kon tell en disciples, “Make una allow small-small shidren kom meet mi, nor stop dem, bikos na pipol like dem, go enter God Kingdom.

Mark 10:14 ပူးပေါင်းရင်းမြစ်များ

Jenesis 17:7

“I go keep my promise wey I make with yu and to yor shidren-shidren, di kovenant go always dey forever. I go bi yu and yor shidren God.

Psalms 78:4

Wi nor go hide dis trut from awa shidren; wi go tell di next generashon about di good-good tins wey God do, en pawa and di wonderful tins wey dey sopraiz us.

Isaya 65:23

Dem go susid for di work wey dem dey do and dia shidren nor go sofa. I go bless dem and dia shidren-shidren forever.

Nombas 14:31

Una sey dem go katch una shidren, but I go take dem go di land wey una rijet and e go bi dia own.

Matiu 18:10

“Make sure sey una nor porshu any of dis small shidren komot. I tell una di trut, dia angels dey my Papa front for heaven evritime.

Matiu 18:4

Anybody wey bring ensef down like dis small pikin, naim big pass for God Kingdom.

Matiu 19:14

But Jesus tell di disciples, “Make una leave di small shidren make dem kom meet mi, nor stop dem, bikos na dem get God Kingdom.”

Matiu 5:10

God go bless una wey dey sofa bikos una dey do wetin dey rite, na una go enjoy God Kingdom for heaven.

Matiu 5:3

“God go bless una wey dey poor for spirit, na una go get heaven.

Mark 3:5

So Jesus vex kon look dem round, bikos dia heart strong well-well, den e tell di man, “Stresh yor hand.” So di man stresh en hand and di hand kon well again.

Mark 8:33

But Jesus turn look en disciples kon shaut for Pita, “Satan! Make yu go my back, bikos yu nor put yor mind for wetin God wont. Na wetin human being wont, na der yor mind dey.”

John 3:3

Jesus tell am, “Make I tell yu true word, unless dem born pesin di sekond time, e nor go fit si God kingdom.”

John 3:5

Jesus ansa am, “I tell yu di trut, unless God born pesin with wota and en Spirit, di pesin nor go fit enter God kingdom.

Acts 2:39

Bikos dis promise na for una, all una pikin, pipol wey dey far place and all di pipol wey God go draw near ensef.”

Acts 3:25

All of una get share for inside di promise wey God make with una grand-grand papa dem thru di profets. Na so E tell Abraham sey, ‘Na thru di pikin wey yu go born, naim I go take bless all di family wey dey di world.’

Romans 11:16

If dem give God di first part for bread, den na God get all di bread and if dem give God tree rut, den di whole tree don bi en own too.

Romans 11:28

As e bi sey Jew pipol rijet God word, dem don turn to God enemy, bikos of una wey bi Gentile pipol. But as God wont am, dem bi pipol wey E love, bikos of dia grand-grand papa dem.

1 Korintians 14:20

My brodas and sistas, make una stop to tink like small shidren. Instead make una dey tink like mature pipol and dey innocent like pikin wey dem just born.

1 Korintians 7:14

Bikos di husband wey nor bilive, God go save am, bikos of en wife wey bilive and di wife wey nor bilive, God go save am, bikos of en husband wey bilive.

Efesians 4:26

If una dey vex, make una nor sin and make day nor dark still meet una dey vex.

Deutronomi 4:37

Bikos E love una grand-grand papa, E kon choose to bless dia shidren-shidren and na en own hand E take komot una from Egypt with all di wonders wey E do.

2 Timoti 1:5

I always dey remember di faith wey yu first get from yor grand-mama, Lois and from yor mama, Eunice. I dey sure sey e dey inside yu.

2 Timoti 3:15

Dem don tish yu God word since yu bi small pikin and yu don get salvashon to receive di wisdom wey dey kom thru Christ, wey yu trust.

Joshua 8:35

Joshua read Moses kommand for all Israel pipol front, plus di wimen, shidren and strenjas wey dey stay with dem.

1 Pita 2:2

But make una dey hongry for spiritual milk like pikin wey dem just born, so dat una faith go strong well-well

Revelashon 14:5

Lie-lie nor dey dia mout and dem nor get any fault.

1 Samuel 1:11

So e kon promise God sey, “My papa, if Yu go sorry and remember mi, yor savant, den give mi one boy pikin, I go dedikate am give Yu as long as e dey for dis life and dem nor go ever kut en hair.”

1 Samuel 1:22

but Hannah nor go. Instead, e tell en husband, “Wen di boy don big small, I go bring am to God kon gi-am to am forever.”