Malakai 3:5 - Holy Bible Nigerian Pidgin English

⁵ Oga God sey, “I go judge pipol wey dey do majik; doz wey dey sleep with who dem nor marry; pipol wey dey tok wetin dia eye nor si; oga dem wey nor dey pay dia workers; doz wey dey opress wimen wey dia husband don die, shidren wey nor get papa and mama again and strenjas. Dem dey do like dis, bikos dem nor dey fear mi.

Malakai 3:5 ပူးပေါင်းရင်းမြစ်များ

Jenesis 20:11

Abraham ansa, “Bikos I feel sey nobody dey wey dey fear God for dis place and dem fit kill mi if I sey na my wife.

Jenesis 42:18

For di third day, Josef kon tell dem, “Make una do as I tok and una go dey alive, bikos I dey fear God.

Nehemaya 5:15

All di govnors wey don rule before mi, trobol di pipol and dey kollect forty silva koins evriday for food and wine. Even dia savants dey opress di pipol too. But I difren from dem, bikos I dey fear God.

Job 31:12

Make e bi like hell-fire wey dey distroy tins; fire wey go burn evritin wey I get.

Job 7:2

Like savant wey dey wait make nite kwik kom; like worker wey dey wait make dem pay am.

Psalms 36:1

Wiked pipol nor get good heart and dem nor dey fear God.

Psalms 81:8

My pipol make una listin to mi as I dey warn una! Israel pipol, make una obey mi!

Psalms 96:13

before God, bikos E dey kom! Yes, E dey kom judge di eart. E go judge di world well-well and E go judge evribody akordin to wetin dem do.

Psalms 98:9

before awa Oga God, bikos E dey kom judge di whole world. E go judge di whole world well kon judge evribody, with raitiousness.

Exodus 1:17

But di nurse dem dey fear God and dem nor gri do wetin di king tell dem, so dem nor kill di boys.

Exodus 18:21

But make yu choose good men from di pipol. Men wey dey fear God; dey tok true; doz wey nor dey play wayo kon make dem rulers ova di pipol. Some fit rule tazons, odas hundred, some fifty, while some go rule ten.

Exodus 20:7

Make una nor use di Oga una God name take make yeye, bikos I go ponish anybody wey do like dat.

Exodus 22:20

“Anybody wey sakrifice give anoda god wey nor bi di Oga awa God, dem must distroy am.

Proverbs 16:6

If pesin dey honbol and faithful, God go forgi-am en sins. If yu dey fear God, yu nor go gri do bad tins.

Proverbs 8:13

If to sey una dey fear God, den una go hate bad tins. I hate pride, pipol wey dey tok anyhow, bad-bad tins and lie-lie words.

Isaya 57:3

But una wey bi sinnas! Make una kom here make dem judge una! Na pipol wey dey do majik and ashawo born una.

Jeremaya 23:10

Na pipol wey nor dey faithful, full di land and dem dey live wiked life kon dey use dia pawa anyhow. Di pipol dey mourn and all di green leaf don dry, bikos God don curse dia land.”

Jeremaya 27:10

Make una nor listin to doz wey dey deceive una, bikos dis tin fit make dem karry una far; go where una nor know. I go drive una komot from una land and una go die for der.

Jeremaya 27:9

Nor listin to anybody or profet wey sey e know wetin go happen tumoro; doz wey dey undastand dream; doz wey dey koll dead body or doz wey dey do majik; wey sey make una nor respet Babilon king.

Jeremaya 29:23

Dis na wetin go happen to dem, bikos dem sin: dem sleep with dia neighbour wife kon lie with God name. God nor like all dis tins. E know wetin dem don do and wetin dem do dey stand against dem.” Dis na wetin God tok.

Jeremaya 42:5

Den dem tell mi, “Make God wey dey tok true and dey faithful, bi awa witness if wi nor do wetin E sey make yu tell us.

Jeremaya 5:2

Doh dis pipol dey swear with God name, but di trut bi sey, dem nor mean wetin dem dey tok.”

Jeremaya 5:29

So, I go really ponish dem for evritin wey dem do. Yes! I go bring sorrow and pain kom dis nashon!”

Levitikus 19:13

Make una nor opress or play una neighbour wayo. Make una nor make una worker wait until di next day, before una pay dem.

Levitikus 20:10

If anybody sleep with en neighbour wife, dem must kill both di man and di woman.

Levitikus 20:27

“ ‘Man or woman wey dey woship dead body spirit, dem must kill dem. Dem must stone dem die and anybody wey do dis tin go sofa di ponishment for en sin.’ ”

Levitikus 20:6

“ ‘Di pesin wey dey go meet dead body spirit for advise, I go turn against am kon remove am from my pipol.

Mikah 1:2

Make pipol for evriwhere listin! Make evribody wey dey for dis world, listin to wetin I dey tok. God wey get pawa dey tok against una and E dey kom judge una from en holy temple.

Habakkuk 1:12

My Oga God, di Pesin wey dey holy, Yu wey dey since and go always dey. Oga God wey bi awa Rock, Yu nor dey plan to kill us finish, Yu only send Babilon pipol to kom korrect and ponish us bikos of awa sin.

Zekaraya 11:12

So I tell dem, “If una wont, make una give mi my money, but una fit keep di money if una like am like dat.” So dem pay mi thirty silva.

Malakai 1:6

Oga God ask di priests, “Pikin dey honor en papa and savant dey respet en masta, but wetin make una nor dey honor mi wey bi una papa? If I bi una masta, why una nor dey respet mi? Una nor dey respet mi, yet una dey ask, ‘How wi nor take dey respet Yu?’

Malakai 2:14

Una dey ask, “Why E nor gri asept awa sakrifice again?” Na bikos E know sey una don break di promise wey una make with di wife wey una marry wen una yong. Na una patina e bi, but naw, una don break di promise, even doh una promise for God present sey una go dey faithful to am.

Malakai 2:17

Una don make God taya with una many tok. But una still dey ask, “How wi take make God taya?” Na wen una sey, “Pipol wey dey do bad tins, dey good for Oga God eye and E like dem well-well and wen una still ask sey, ‘Where di God wey dey judge well?’ ”

Luke 23:40

But di oda tif kon shaut for di first tif, “Yu nor dey fear God as e bi sey na di same ponishment wi dey sofa?

Romans 3:8

Den e go dey rite if wi sey, “Make wi dey do bad tins so dat good tins go kom out from wetin wi dey do?” But some pipol dey lie for my head, bikos of wetin I tok and God go ponish dem.

Deutronomi 15:13

Wen una dey free una savant, make una nor let dem go like dat.

Deutronomi 18:10

For ezample, make una nor burn una shidren as sakrifice. And make nobody learn how to dey tell pipol dia future;

Deutronomi 24:17

Una must judge well for di strenjas wey dey with una; doz wey nor get papa and mama and woman wey en husband don die. Make una nor ever take dia klot as shorti for debt.

Deutronomi 27:19

Strenjas, pesin wey nor get papa and mama or wimen wey dia husband don die, if anybody nor judge dia kase well, na curse go follow am. Den all di pipol go ansa, “Amen.”

Deutronomi 5:11

Make una nor use di Oga una God name take make yeye, bikos God nor go sorry for anybody wey use en name anyhow.

1 Tesalonians 4:6

Make nobody shit en Christian broda or make am vex, bikos na God go fight for di pesin wey yu shit and wi don tell una before and wi still dey warn una sey, God go really ponish pipol wey dey do like dat.

Hibru 13:4

Make evribody respet marriage: una must make sure sey una nor sleep with who nor bi una husband or wife, bikos God go judge pipol wey dey sleep with who dem nor marry and pipol wey don marry, wey dey sleep with oda pipol.

James 5:12

My brodas and sistas, make una remember dis kommand pass oda ones; make una nor swear, weda with heaven or eart or any oda tin. But make una let una “Yes” bi yes, and una “No” bi know, so dat una nor go fall enter God judgement.

James 5:4

Si, di money wey yu nor gri pay di workers wey dey work for yor farm, dey kry against yu and di pipol wey dey gada wetin yu plant, dia kry don rish God ear.

Revelashon 21:8

But for pipol wey fear nor dey let dem do wetin good; doz wey nor bilive mi, doz wey nor dey obey mi; doz wey kill odas; pipol wey dey sleep with who dem nor marry; doz wey dey do majik; pipol wey dey serve juju and evribody wey dey tok lie, na inside di fire and sulfur dem go-go. And na dat bi di sekond deat.”

Revelashon 22:15

Pipol wey dey do like dogs, doz wey dey do majik and kill odas; doz wey dey serve juju and dey like to lie, all of dem nor go enter di town.