Malakai 2:2 - Holy Bible Nigerian Pidgin English

² Una must honor mi with wetin una dey do, but if una nor gri listin to wetin I dey tok, I go curse una. I go bikos of wetin una do, curse evritin wey una get. True-true, I don already curse una, bikos una nor gri honor mi.

Malakai 2:2 ပူးပေါင်းရင်းမြစ်များ

Psalms 69:22

So, make dia food tabol bi trap for dem! Make e bi trap for all doz dia friends!

Proverbs 3:33

God don curse wiked pipol house, while blessings full raitious pipol own.

Isaya 42:25

So E make us si how E dey vex kon make us sofa di pains. En vexnashon dey burn like fire for evriwhere for Israel, but wi nor know wetin bin dey happen and wi nor still learn anytin from am.

Isaya 47:7

Yu sey, ‘I go bi kween forever.’ But yu nor tink about dis tins or tink about wetin go happen.

Isaya 57:11

God sey, “Who bi all dis gods wey make una dey fear and lie for mi? Wey make una forget mi like dis? Una don stop to honor mi, bikos I don too kwayet?

Jeremaya 34:17

“Naw, mi wey bi God sey, ‘Una don disobey mi; una nor gri free una brodas and sistas. Since na like dat, I go free una so dat war, honga and diziz, go kill una. I go make evry nashon for di world fear for wetin I go do to una.

Ezekiel 3:7

But nobody for Israel go listin to yu, bikos dem nor go even gri listin to mi. All of dem too sturbon and dem nor dey hear word.

Haggai 1:6

Una plant many korn, but wetin una harvest, small. Una get food to chop, but e nor dey beleful una. Una get wine to drink, but e nor dey rish una! Even wen una wear many klot, e nor dey make una warm and pipol wey dey work, dia salari nor dey rish dem spend.

Haggai 1:9

“Una dey put mind sey una harvest go plenty, but na small una dey get. Even wen una karry di small food wey una harvest rish house, I go blow dem trowey. Na wetin make mi do like dat? Na bikos my temple skata and all of una dey build fine-fine house for unasef.

Malakai 2:1

Oga God tell di priests, “Dis kommand na for una:

Malakai 3:9

Curse dey una head, bikos na di whole nashon dey shit mi.

Luke 17:18

Na only dis man wey bi strenja fit kom back kon praiz God?”

Joshua 7:19

So Joshua kon tell Akan, “My pikin, respet Israel God make yu praiz am! Tell mi wetin yu do; nor deceive mi at-all!”

1 Pita 4:11

Pesin wey dey prish; make e prish God word well. Pesin wey dey help odas, make e do am with di pawa wey God gi-am, so dat for evritin, God go get glory thru Jesus Christ. Make all glory and pawa bi Christ own forever and ever. Amen!

Revelashon 14:7

Di angel kon shaut: “Make una dey fear and give God glory, bikos di time wey E go judge di world, don rish. And make una woship di Pesin wey make heaven, eart, sea and where wota from dey flow!”

Revelashon 16:9

den di heat kon dey burn pipol, yet dem still dey curse God wey get pawa to stop dis sofa and dem nor gri turn from sin kom meet God or gi-am all di glory.