Malakai 2:17 - Holy Bible Nigerian Pidgin English

¹⁷ Una don make God taya with una many tok. But una still dey ask, “How wi take make God taya?” Na wen una sey, “Pipol wey dey do bad tins, dey good for Oga God eye and E like dem well-well and wen una still ask sey, ‘Where di God wey dey judge well?’ ”

Malakai 2:17 ပူးပေါင်းရင်းမြစ်များ

Job 34:17

So yu dey tok sey God nor dey rite naw? Yu feel sey E hate justice?

Job 34:36

But I wish sey dem test Job rish di end, bikos e dey ansa like wiked pesin.

Job 36:17

But naw, yu dey get di kind ponishment wey fit yu.

Job 9:24

God don give dis eart to wiked pipol kon kover all di judge dem face. If nor bi en do am, den na who fit?

Ekklesiastes 8:11

Wen dem nor kwik ponish pesin wey do bad, pipol go tink sey e dey good to do bad.

Isaya 1:14

I hate una new moon festival and di oda feast wey una dey celebrate, don taya mi. I nor fit bear dem again.

Isaya 29:15

Pipol wey dey try to hide dia plans from God, nor betta pass doz wey don die! Dem dey hide do dia work for korna, dey tink sey nobody dey si or know wetin dem dey do, bikos dem dey boast sey, “Who dey si us? Who know wetin wi dey do?”

Isaya 30:18

Bikos of dis, God dey ready to pity for en pipol; E sidan for en throne and E dey ready to forgive una. True-true, God dey good and evribody wey get faith and dey wait am, go happy well-well.

Isaya 43:22

God sey, “Israel pipol, una bin taya for mi; una nor gri woship mi.

Isaya 43:24

Una neva buy any incense for mi or give mi di fat for una animal as ofrin. Yet una dey wahala mi with una sins kon make mi dey vex bikos of una yeye ways.

Isaya 7:13

So Isaya sey, “Listin naw, una wey bi David shidren-shidren. Even doh e bad to dey try ordinary human being patient, una won try God own too?

Jeremaya 12:1

My God, Yu dey always trit mi well anytime wey I komplain give Yu. But I ask Yu one kweshon about good judgement: “Why e bi sey wiked pipol dey prosper and pipol wey nor dey honest, dey susid?

Jeremaya 15:6

Una don rijet and turn from mi and na dis make mi vex kon bring wahala for una. I don taya to dey sorry for una.”

Jeremaya 17:15

Di pipol dey ask, “Where di tin wey God sey E won do us? Make E kom do dem naw make wi si!”

Jeremaya 44:22

Bikos God nor fit bear all di yeye tins wey una dey do, na dis make am turn una land to where pipol dey curse. E don skata am and pipol nor dey stay der again.

Ezekiel 16:43

“Since yu don forget how I kare for yu wen yu bi small pikin and yu don make bi vex with all di tins wey yu dey do, I must pay yu back for all dis bad tins. But, wetin make yu dey do ashawo join di bad-bad tins wey yu do?” God wey get pawa don tok.

Ezekiel 18:25

“Den una sey, ‘God dey play wayo.’ Naw, Israel pipol, make una ansa mi, ‘I dey play wayo?’

Ezekiel 8:12

God kon ask mi, “Man pikin, yu si wetin Israel leaders dey hide do? All of dem dey woship for one room wey juju full. Dem dey sey, ‘God nor dey si us! E don leave dis land.’ ”

Ezekiel 9:9

God ansa, “Israel and Judah pipol don sin well-well. Dem don kill pipol for di land and dem nor dey obey my law again. Dem sey mi God don leave dem and I nor dey si wetin dem dey do.

Amos 2:13

But naw, I go distroy una finish and una go kry with pain like truck wey dem ova-load with korn.

Zefanaya 1:12

I go use lantan take find all Jerusalem korna wey darkness pass, so dat I go ponish doz wey love to sin. Dem bilive sey God nor go fit do dem anytin; weda good or bad.

Malakai 2:14

Una dey ask, “Why E nor gri asept awa sakrifice again?” Na bikos E know sey una don break di promise wey una make with di wife wey una marry wen una yong. Na una patina e bi, but naw, una don break di promise, even doh una promise for God present sey una go dey faithful to am.

Malakai 3:8

E dey good for pesin to shit God? No! But una dey shit mi and una dey ask, ‘How wi take dey shit Yu?’ Na for di matter wey koncern una ofrin and one out of evry ten tins wey una get.

Deutronomi 32:4

Na-im bi di Rock; evritin wey E dey do dey korrect, bikos wayo nor dey en tins. En na God wey pesin fit bilive, bikos E nor just dey judge pipol anyhow.

1 Samuel 2:3

Make una stop to tok anyhow; make betta word dey kom out from una mout, bikos di Oga God na God wey know evritin wey pipol dey do.