Malakai 2:10 - Holy Bible Nigerian Pidgin English

¹⁰ Nor bi di same papa all of us get? Nor bi di same God kreate all of us? Den why wi dey break awa promise wey wi make to each oda kon hate di kovenant wey God make with awa grand-grand papa dem?

Malakai 2:10 ပူးပေါင်းရင်းမြစ်များ

Nehemaya 13:29

My God, make Yu remember dem, bikos dem don spoil di priests work and break di priest and Levi pipol kovenant.

Job 31:15

Na di same God wey kreate mi, kreate my savants too.

Psalms 100:3

Make una know sey na di Oga God bi God! Na-im make us and wi bi en pipol. Wi bi en pipol, di sheep wey dey en field.

Exodus 19:4

‘Una don si wetin I do Egypt pipol. Una si as I take karry una for eagle feada kon bring una kom meet mi.

Exodus 19:5

And naw, if una go obey and keep my kovenant, una go bi special pipol wey I selet from di oda pipol for dis world, bikos na mi get di whole world.

Exodus 24:3

So Moses tell di pipol wetin God tok and di pipol ansa, “Wi dey ready to do evritin wey di Oga awa God kommand.”

Exodus 24:7

So e take di Kovenant Book kon read am make all di pipol hear and dem sey, “Wi dey ready to do and obey all di word wey di Oga awa God tok.”

Isaya 43:1

Naw, God wey kreate una sey, “Make una nor fear, I go save una. I don koll una by una name and una bi my pipol!

Isaya 43:15

Na mi bi una God wey dey holy. Israel pipol, na mi kreate una and na mi bi una king.”

Isaya 43:7

Dem bi my own pipol and I kreate dem, so dat dem go give mi glory.”

Isaya 44:2

Dis na wetin God tok, “Na mi kreate and form una for una mama belle kon help una, so make una nor fear, bikos una bi my savant; di pipol wey I choose and love.

Isaya 51:2

Make una tink of Abraham, una grand-grand papa and Sarah wey born una. Wen I koll Abraham, e nor get pikin, but I bless and gi-am shidren kon make en shidren-shidren, plenty.

Isaya 63:16

Na Yu bi awa papa. Even if Jakob and Abraham wey bi awa grand-grand papa sey dem nor know us, Yu God na awa papa and na Yu dey always save us.

Isaya 64:7

Nobody dey pray to Yu again; nobody dey kom meet Yu for help again. Yu don hide yorsef and abandon us, bikos of awa sins.

Isaya 64:8

But Oga God, na Yu bi awa papa. Wi bi klay and na Yu mold us. Na Yu kreate us,

Jeremaya 31:9

As I dey lead dem kom back, dem go dey kry, beg and pray make I forgive dem. I go guide dem pass where wota dey kon take dem pass strait road where dem nor go kick stone fall. I go do am, bikos na mi bi Israel papa and Efraim na my first-born.’ ”

Ezekiel 33:24

“Man pikin, di pipol wey dey stay di empty town for Israel dey sey: ‘Abraham na just one man and dem gi-am di whole land. So naw wey wi many well-well, na wi get di land too.’

Malakai 1:6

Oga God ask di priests, “Pikin dey honor en papa and savant dey respet en masta, but wetin make una nor dey honor mi wey bi una papa? If I bi una masta, why una nor dey respet mi? Una nor dey respet mi, yet una dey ask, ‘How wi nor take dey respet Yu?’

Malakai 2:11

Judah pipol don break dia promise wey dem make with God kon dey do wiked tins for Jerusalem and evriwhere for di land. Dem don dirty di temple wey God love and dia men marry wimen wey dey serve juju.

Malakai 2:8

But una wey bi priest don turn komot from di korrect road. Wetin una dey tish naw, don make many pipol dey sin. Una don break di kovenant wey I make with una.

Matiu 10:21

“Broda go sell en own broda give pipol make dem kill-am and na so papa go sell en own pikin too. Shidren go fight and kill dia papa and mama.

Matiu 22:16

So dem kon send dia disciples, with some pipol wey dey support Herod, go meet Jesus sey, “Tisha, wi know sey yu dey tok trut well-well and yu dey tish wetin God wont. Yu nor dey favor anybody, bikos yu nor dey play wayo.

Matiu 3:9

make una nor tink sey una don free bikos una sey, ‘Abraham na awa papa.’ Make I tell una, God fit turn all dis stone to Abraham shidren!

Luke 1:73

Even awa papa Abraham sey,

Luke 3:8

Naw, make una bear fruit wey go show sey una don really turn from sin kom meet God, make una nor start to sey, ‘Abraham na awa papa.’ Bikos God fit take dis stones wey dey for groun take make pikin for Abraham!

John 8:39

Dem tell am, “Na Abraham bi awa papa.” Den Jesus ansa dem, “If una bi Abraham pikin, una for dey do di tins wey Abraham do.

John 8:41

Una dey do di tins wey una papa do.” Dem kon tell Jesus, “Awa papa nor born us for outside marriage. Na God ensef bi di papa wey wi get.”

John 8:53

Yu big pass awa papa Abraham and all di profets wey don die? Who yu tink sey yu bi sef?”

John 8:56

Una papa Abraham happy well-well wen e hear sey I dey kom. E si am and e happy well-well.”

Acts 17:24

God wey make di world and evritin wey dey inside, wey bi di Oga God for heaven and eart, nor dey stay inside house wey human being build

Acts 17:25

and E nor wont make human being gi-am sometin like sey E nid anytin, bikos naim dey give life and air wey wi dey breath.

Acts 17:26

Na thru one man E make all di tribes wey dey di world and E tok di time and place where dem go find God rish,

Acts 7:2

Stefen ansa, “My brodas and fada, make una listin to wetin I won tok so. Na wen Abraham, awa grand-grand papa dey for Mesopotamia, before e go stay for Haran, naim God wey get pawa, appear to am

Acts 7:26

Di next day, Moses si two Israel men dey fight and e won try setol dem. So e tell dem, ‘My pipol, una bi brodas, why una kon dey fight unasef like dis?’

Romans 4:1

Na wetin Abraham awa grand-grand papa learn from dis matter?

Romans 9:10

Nor bi only dat, bikos Rebekah shidren na one papa dem get and naim bi awa grand-grand papa, Isaak.

1 Korintians 8:6

But wi (wey bi Christian), na only one God wi get and naim bi awa Papa. Na-im kreate evritin and wi dey live for am. Na Jesus Christ bi awa only Oga God. Na-im make evritin and na thru am wi get life.

Efesians 4:25

Since una don stop to lie, make una start to tok trut give una neighbour, bikos all of us na membas for Christ body.

Efesians 4:6

one God and Papa wey dey above evribody; dey use evribody and dey inside evribody.

1 Tesalonians 4:6

Make nobody shit en Christian broda or make am vex, bikos na God go fight for di pesin wey yu shit and wi don tell una before and wi still dey warn una sey, God go really ponish pipol wey dey do like dat.

Hibru 12:9

If awa papa for eart ponish us and wi dey respet dem, e nor good make God ponish us, so dat awa life go betta?

Joshua 24:3

but I take una papa Abraham cross di river kon bring am kom Kanaan land. I make en shidren-shidren many and dem nor fit kount dem; I gi-am Isaak