Malakai 1:4 - Holy Bible Nigerian Pidgin English

⁴ Esau shidren-shidren wey bi Edom fit sey, “Even doh awa towns don skata finish, wi go build dem again.” But God wey dey lead heaven sojas ansa, “Make una go ribuild dem, but I go still skata dem and pipol go koll una kountry, ‘Di Land wey Wikedness Full’ and dem go koll una pipol, ‘Di pipol wey Oga God go always dey vex with.’ ”

Malakai 1:4 ပူးပေါင်းရင်းမြစ်များ

Job 12:14

Wen God skata, who go fit build am again? And who go fit free pesin wey God put for prison?

Job 34:29

If God sey E nor go do anytin, nobody go fit ask am kweshon. If E hide en face, wi nor go get help at-all weda na one pesin or di hold kountry.

Job 9:4

God too get sense and en pawa dey mighty; nobody fit stand against am.

Psalms 127:1

Unless God build house, di pipol wey dey build am, just dey waste dia time. Unless God guide town, doz wey dey guide am, nor go fit protet am.

Psalms 137:7

My God, make Yu remember wetin Edom pipol do wen dem kon distroy and karry Jerusalem pipol komot from dia own land. Dem dey shaut, “Make una skata Jerusalem rish groun! Skata di town rish groun!”

Psalms 33:10

God skata di nashons plan kon spoil wetin dem won do.

Proverbs 21:30

Yor wisdom, brain and undastandin nor mean anytin if God dey against yu.

Isaya 10:4

Una nor go get anywhere to go dan to knee down with prisonas or to sleep with doz wey dem don kill. And with all dis, God still dey vex and E dey ready to kill dem with en own hand.

Isaya 11:14

Dem go attack Filistia pipol togeda for di west kon kill di pipol wey dey east. Dem go distroy Edom and Moab pipol and Ammon pipol go dey obey dem.

Isaya 34:10

E go dey burn both for day and nite and smoke go dey kom out from am forever. Nobody go ever fit stay or travel pass di land from one generashon go rish anoda.

Isaya 34:5

God dey ready with en swod for heaven and E go kut Edom; doz pipol wey E won kondemn and distroy.

Jeremaya 31:17

True-true, yu get hope about yor tumoro and yor shidren go kom house back. Mi, wey bi God, don tok.”

Jeremaya 49:20

So make yu listin to di plan wey I get for Edom pipol and wetin I won do to di pipol wey dey Teman town. Dem go drag dia shidren go and I go distroy di land finish bikos of di tins dem do.

Jeremaya 49:7

Dis na wetin God wey mighty tok about Edom: “Teman pipol nor sabi judge well again? Who dey advise Edom nor fit tell dem wetin dem go do? Abi all dia sense and wisdom don vanish?

Jeremaya 49:8

Dedan pipol, make una run go hide! I go distroy Esau shidren-shidren, bikos di time don rish for mi to ponish dem.

Jeremaya 5:17

Dem go chop evritin wey una plant and una animals too; dem nor go leave one fruit for una vine tree. Even doh una tink sey una dey save inside una strong town, dem go distroy di town kon kill una shidren.

Lamentashons 3:37

So, na who fit tok make sometin happen, if God nor allow am?

Ezekiel 11:10

and una go die wen una dey fight war for una kountry. Den evribody go know sey na mi bi God.

Ezekiel 25:13

Naw, I don tok sey I go ponish Edom kon kill evribody with dia animals for der. I go distroy dia land from Teman town go rish Dedan town and di pipol go die for war.

Ezekiel 25:14

My pipol Israel go revensh Edom and dem go let Edom pipol feel how my vexnashon strong rish. Den Edom pipol go know wetin e mean to take revensh.” God wey get pawa don tok.

Ezekiel 26:14

I go leave only one small rock, so dat doz wey dey katch fish go dey sun dia net for der. Dem nor go build di town again. Mi, wey bi God, don tok.”

Ezekiel 35:4

I go skata una town kon distroy una land, den una go know sey na mi bi God.

Ezekiel 35:9

I go make una dey empty forever and nobody go stay una town again. Den una go know sey na mi bi God.

Amos 1:11

God sey, “Edom pipol don too sin, so I go ponish dem naw, bikos dem kill Israel pipol wey bi dia own brodas and dem nor sorry for dem at-all. Dem vex kill dem anyhow and dem nor dey taya.

Amos 3:15

I go distroy all di house wey rish pipol build bikos of rain and dry sizin. All di house wey dem use ivory stone take dekorate, go fall skata and di big-big house go skata finish.’ ” Na so Oga God tok.

Amos 5:11

So, since una dey opress and tif from poor pipol, una nor go stay for di fine house wey una build or drink wine from di fine vine wey una plant.

Amos 6:11

True-true, make una si! Wen God kommand, both big and small house go skata to pieces.

Amos 6:2

Make una go si wetin happen to Kalneh land, den pass der go Hamat-Rabbah and Filistia pipol town for Gat. Una nor si as dem distroy dem, abi una betta pass dem?

Obadaya 1:1

Dis na di vishon wey God give Obadaya about Edom pipol. God send en savant kom di nashons and dem hear di message wey God give dem sey: “Make una ready! Make una gada una sojas go fight Edom pipol!”

Obadaya 1:10

“Bikos una use wikedness take kill una brodas for Israel, na shame and distroshon go follow una forever.

Malakai 1:3

kon rijet Esau, en broda. I distroy Esau hill kountry kon turn dia land to where dem dey trowey dirty put and naw, na wild animals dey stay der.”

Matiu 12:30

“Anybody wey nor dey with mi, dey against mi and anybody wey nor join mi, dey skata my work.