Luke 12:7 - Holy Bible Nigerian Pidgin English

⁷ Si, God know di nomba of hair wey dey una head. So make una nor fear, bikos una betta pass many sparo bird.

Luke 12:7 ပူးပေါင်းရင်းမြစ်များ

2 Samuel 14:11

Di woman sey, “My king, abeg make yu pray give yor God, so dat my rilashons nor go kommit di crime wey big pass di first one kon go kill my oda pikin.” David ansa, “I use God name take promise sey nobody go tosh yor pikin.”

Job 35:11

Dem nor dey turn to God wey make us get sense; di One wey make us wise pass animals and birds.

Psalms 8:6

Yu sey make dem kare for evritin wey Yu kreate, bikos Yu put evritin under dia kontrol;

Matiu 12:12

Human being betta pass sheep! So, e dey rite to do good for Sabat Day.”

Matiu 6:26

Make una look di birds wey dey fly for sky, dem nor dey plant or put anytin wey dem gada inside store, but una Papa for heaven dey feed dem. Una nor betta pass dem?

Luke 21:18

But God eye go always dey wosh una.

Acts 27:34

So naw, I dey beg una to chop, bikos una nid am to survive. And nobody among una go luz even one hair for en head.”

1 Samuel 14:45

But di sojas sey, “Make Jonatan wey win dis war for Israel, die? E nor go ever happen! As long as God dey alive, one hair for Jonatan head nor go even fall rish groun! Bikos na with God help, e take do wetin e do today.” So di sojas nor let dem kill Jonatan.