Levitikus 4:26 - Holy Bible Nigerian Pidgin English

²⁶ E go burn all di fat for di altar, just as e take burn di fat for di animal wey dem kill take do peace ofrin. Na so di priest go take do di sakrifice for di leader wey sin and God go forgi-am.

Levitikus 4:26 ပူးပေါင်းရင်းမြစ်များ

2 Kronikles 29:24

So di priest kill di goats, put dia blood for di altar as sin ofrin to klean Israel pipol, bikos di king don tok am sey di burnt sakrifice and di sin ofrin, na for Israel pipol.

Ezekiel 43:22

“Di next day, yu go take one man goat wey dey okay kon offa am as sakrifice for sin. Yu go use en blood take klean di altar, just as yu do with di melu own.

Levitikus 1:4

E go put en hand for di animal head and God go asept am as sakrifice to take forgive en sin.’

Levitikus 12:8

“ ‘If di woman nor fit buy di lamb, e fit bring two dove or two pijin, one for burnt ofrin and di oda one for sin ofrin and di priest go do di sakrifice, so dat e go dey holy.’ ”

Levitikus 14:18

E go put di remainin oil wey dey en hand for di pesin head. Na like dis di priest go take make di pesin dey holy for God eye.

Levitikus 15:15

Di priest go offa one for sin ofrin and di oda one for burnt ofrin. Na like dis di priest go take make sakrifice for di man for God eye.

Levitikus 17:11

Bikos na blood bi life for di body, naim make God sey dem must pour all di blood for di altar to take santify pipol. Blood wey bi life, dey remove sin.

Levitikus 19:22

and di priest go make sakrifice for am for di sin wey e kommit.

Levitikus 3:5

Di priest go burn all of dem for di altar with di burnt ofrin. God like dis food ofrin smell well-well.

Levitikus 4:19

Den e go take all di fat kon burn dem for di altar.

Levitikus 4:20

E go do di same tin with dis melu as e bin do with di melu wey dem use for di High Priest sin ofrin. Na so e go take sakrifice for di pipol and God go forgive dem.

Levitikus 4:31

E go remove all di fat, just as e do with di fat for di peace ofrin. E go burn am for di altar with di food ofrin wey dem give God. As di priest give dis sakrifice, God go forgive di man.

Levitikus 4:35

E go remove all di fat, just as e do with di fat for di peace ofrin. E go burn am for di altar with di food ofrin wey dem give God. As di priest give dis sakrifice, God go forgive di man.

Levitikus 5:10

Den e go offa di sekond bird as burnt ofrin akordin to di law. As di priest give dis sakrifice, God go forgive di man.

Levitikus 5:13

As di priest give dis sakrifice, God go forgive di man. Di remainin flower na di priest own, just as e bi for korn ofrin.’ ”

Levitikus 5:16

Any holy tin wey e spoil, e must pay back and e go add twenty percent give di priest and di priest go offa di animal as sakrifice for di sin wey di man kommit, den God go forgi-am.

Levitikus 5:18

E go bring man sheep or goat wey dey okay kon give di priest as ofrin for en sin. Den e go measure am akordin to di Tabanako shekel. As di priest give dis sakrifice, God go forgive di man.

Levitikus 6:7

As di priest offa dis sakrifice, di man go dey good for God eye again and God go forgi-am.”

Nombas 15:25

Den di priest go do di sakrifice for di kommunity and I go forgive dem, bikos dem nor sin from dia mind and dem don bring dia ofrin; ofrin wey dem make with God fire and ofrin to klean demsef for God present, bikos of di sin wey dem nor kommit from dia mind.

Nombas 15:28

Di priest must do di sakrifice for di pesin wey kommit di sin, den I go forgi-am.