Levitikus 26:5 - Holy Bible Nigerian Pidgin English

⁵ Una harvest go plenty well-well, sotey una go still dey harvest korn until di time to pick grape and una go still dey pick grape for di time to plant korn. Una go get all wetin una won chop and una nor go fear for di land wey una dey stay.

Levitikus 26:5 ပူးပေါင်းရင်းမြစ်များ

Psalms 144:13

Make difren-difren food full awa store house. Make di animals wey dey awa land dey plenty more-more.

Psalms 90:1

My Oga God, from generashon to generashon na Yu dey protet us!

Exodus 16:8

So Moses sey, “Wen God give una meat chop for evening and bread for morning, den una go know sey, E don hear all una komplain. Wetin wi bi sef? Una komplain nor bi against us, but na against God.”

Proverbs 1:33

But anybody wey listin to mi, go dey save and e nor go get rizin to fear.

Proverbs 18:10

God name na strong place to hide put, raitious pipol dey run enter and dem dey-dey save.

Isaya 1:19

If una obey mi, una go chop di good food wey di land dey produce.

Isaya 30:23

God go pour wota put for di seed wey una plant and di groun go produce plenty food for una. For dat time, una animals go chop betta green grass for field.

Jeremaya 23:6

Wen e bikom king, Judah pipol go dey save and Israel pipol go stay for peace. Dem go koll am, ‘Na God bi awa raitiousness.’ ”

Hosea 2:18

For dat time, I go make kovenant with all di wild animals and birds, so dat dem nor go wound my pipol. I go still take di tins wey dem take dey fight war komot from di land kon let my pipol stay for peace.

Hosea 2:20

I go keep my promise kon make yu my own, den yu go know sey na mi bi yor God.

Joel 2:19

God go ansa: “Naw, I go give una korn, wine, olive oil and una go chop beleful. Oda nashons nor go laf una again.

Joel 2:22

Make una animals nor fear. Di field go get grass; di trees go bear dia fruit and fig and grapes go plenty well-well again.

Joel 2:26

Una go get plenty food to chop kon beleful. Una go praiz di Oga una God wey don do many wonderful tins for una and nobody go laf my pipol again.

Amos 9:13

God sey, “Di day dey kom wen korn go kwik grow even before harvest time rish and grape go grow kon ripe before dem suppose make wine. Sweet wine go dey rush kom out from di mountins and wine go dey flow for di hills.

Matiu 23:37

“O! Jerusalem pipol, O! Jerusalem pipol! Una wey kill di profets and stone di pipol wey God send kom meet una! I don dey try to gada una shidren as fawol dey gada en shidren under am, but una nor let mi do am.

Acts 14:17

but E nor stop to do good for una, E dey give una rain from heaven and food from groun, so dat una go chop and belle go sweet una.”

Deutronomi 11:15

E go give una animals plenty grass for di land and una go chop beleful.

1 Timoti 6:17

Make yu give dis kommand to rish pipol. Tell dem sey, make dem nor dey karry body up kon dey trust dia money wey nor get value and make dem dey trust God wey dey give us evritin wey wi nid to take enjoy dis life.

1 Pita 1:5

and en pawa dey protet am thru faith and wi dey wait for di salvashon wey go kom for di time wen di world go end.