Levitikus 26:36 - Holy Bible Nigerian Pidgin English

³⁶ “I go make some among una wey una enemies karry go dia land dey fear well-well, sotey if una hear leaf sound wey breeze blow, una go dey run. Una go run like sey dem dey porshu una for war and una go fall wen no enemy dey near una.

Levitikus 26:36 ပူးပေါင်းရင်းမြစ်များ

Jenesis 35:5

and dem kon start dia journey. Di towns wey dey dat aria dey fear God and fear nor gri let dem porshu Jakob and en shidren.

Jenesis 4:12

Wen ever yu try to plant seed for di groun, e nor go grow well for yu. Yu go dey waka anyhow for dis eart without house.”

2 Kronikles 14:14

Dem win all di towns near Gerar, bikos God make dis towns run with fear. Judah men karry dia propaty go house, bikos di propaty for di towns many well-well.

Job 13:25

Na ordinary leaf wey breeze dey blow Yu won fight? Abi na dry leaf Yu won porshu?

Psalms 53:5

Fear go katch dem and na di kind fear wey dem neva si or hear before. God go skata yor enemies bones. God go disgrace dem, bikos E don rijet dem.

Psalms 53:6

Na who go kom from Mount Zion kon save Israel pipol? Wen God don save en pipol, den Jakob shidren go shaut with joy and Israel pipol go happy well-well.

Psalms 89:43

Yu make sure sey en swod nor mean anytin and Yu nor gri help am for war again.

Proverbs 28:1

Wiked pesin dey run wen nobody dey porshu am, but honest pesin dey get heart like lion.

Isaya 30:17

Only one of una enemies soja go kill 1,000 of una, den wons una si five of una enemies sojas, all of una go run until una nor many again kon small like poles wey dey on-top mountin or sign flag wey dey on-top hill.”

Isaya 7:2

So some pipol kon tell Judah king sey Siria sojas dey for Israel aria, den en and all en pipol kon dey fear, sotey dem bigin shake like tree wey breeze dey blow.

Isaya 7:4

Den tell am make e nor worry or fear and make e nor let anybody disturb am, bikos King Rezin, en pipol and Pekah vexnashon nor get pawa rish di smoke wey dey kom out from two firewood.

Jeremaya 37:10

Even if una kill Babilon sojas well-well and na only di men wey una wound remain, dem go still kom burn dis town rish groun.”

Jeremaya 46:16

Una sojas don fall! Dem dey tell each oda sey, ‘Make wi hurry go house go meet awa pipol, before awa enemies go kill us finish!’

Lamentashons 1:3

Dem karry Judah pipol go Babilon as slave kon dey sofa dem. Na anoda land dem dey stay and dem nor get peace at-all. Even with di pain wey dem dey pass thru, evribody wey porshu dem, katch and ponish dem.

Lamentashons 1:6

All di glory wey Jerusalem get, don vanish. En prince bi like deer wey dey find grass to chop, bikos e dey hongry. Dem too dey weak to run from dia enemies wey dey porshu dem.

Lamentashons 4:19

Doz wey dey porshu us, fast pass eagle wey dey fly for sky. Dem porshu us pass di mountin kon set trap for us for wildaness.

Ezekiel 21:12

So man pikin, make yu kry well-well, bikos I sharp dis swod to take kill my pipol and all di leaders for Israel. Dem go kill evribody, so make yu nak yor lap, bikos of dia pain.

Ezekiel 21:15

E dey make my pipol heart melt and doz wey go die go many well-well. My swod dey wait for all di gates, e dey shine well-well and e dey ready to kill.

Ezekiel 21:7

If dem ask yu sey wetin make yu dey kry, make yu tell dem sey, na bikos of di news wey dey kom. Wen di news kom, fear go katch dem well-well; dia hand nor go fit move, dia mind go fail dem and dia leg go dey shake. Di time don kom and na naw.” God wey get pawa don tok.

Hosea 8:3

But e don late well-well, bikos dem don rijet wetin dey good, so dia enemies go porshu dem well-well.

Levitikus 26:17

I go turn against una kon make una enemies win and di pipol wey hate una, go rule una. Fear go katch una sotey una go dey run wen nobody dey porshu una.

Levitikus 26:35

nobody go dey der and e go kon get en rest wen una enemies don karry una go dia land.

Deutronomi 1:44

Amor pipol wey dey stay dat aria kom fight and porshu una, just as wiked bee dey do and dem kill una from Seir go rish Hormah.

Joshua 5:1

Wen Amor pipol kings for Jordan River west and Kanaan kings wey dey near di wotaside for Jordan River hear how God take dry Jordan River for Israel pipol make dem waka pass, dem kon bigin fear well-well.

Joshua 7:5

Ai men kill about thirty-six from dem kon porshu di rest of dem from di town gate go rish di low aria. Di pipol pawa fail dem like ice-blok wey dey melt.

1 Samuel 17:24

Wen Israel men si Goliat, dem go hide, bikos of fear.