Levitikus 26:26 - Holy Bible Nigerian Pidgin English

²⁶ Una nor go get food to chop and ten wimen go dey bake all dia bread wey dem get for only one oven. Dem go share am and afta una don chop finish, una go still dey hongry.

Levitikus 26:26 ပူးပေါင်းရင်းမြစ်များ

2 Kings 6:25

Bikos of wetin dey happen so, Samaria pipol food kon finish and dem kon dey sell donkey head for eight silva and half pound for dove shit kon bi five silva.

Psalms 105:16

E kause honga for Kanaan land wen E nor make di groun bear betta food for dem.

Isaya 3:1

Naw, di Oga God wey get pawa won remove evritin and anybody wey Jerusalem and Judah pipol dey depend on. E go still remove dia food, wota, guards,

Isaya 5:10

True-true, big vineyard go produce only five gallon of wine and ten basket of seed go produce only one basket of good korn.

Isaya 9:19

Bikos God wey get pawa dey vex, en ponishment dey burn di land like fire and E dey distroy di pipol and dem nor dey sorry for each oda.

Isaya 9:20

Dem attack dia neighbour from rite, but dem still dey hongry. Dem chop dia neighbour from left, but dem nor beleful. Dem even dey chop dia own shidren join.

Jeremaya 14:12

Even if dem fast, I nor go listin to dia kry for help and if dem offa burnt and korn ofrin, I nor go asept am. Instead I go kill dem for war and with diziz and honga.”

Ezekiel 14:13

“Man pikin, if one kountry sin kon disobey mi, I go stop to give dem food chop. I go send betta honga go der kon kill both animal and human being.

Ezekiel 4:10

Evriday, di food wey yu go chop must nor heavy pass half pound and make e bi for di same time wey use choose.

Ezekiel 4:16

God still sey, “Man pikin, I go remove bread from Jerusalem. Di pipol go dey measure di food and wota wey dem dey drink, so dat e nor go finish.

Ezekiel 4:17

Dia bread and wota go finish; dem go dey for pain and dem go die finish, bikos of dia sin.”

Ezekiel 5:16

I go let honga kill una and una nor go si food chop. Una go feel my vexnashon like arrow wey dem take shot pesin.

Hosea 4:10

Even wen dem chop food, dem nor go beleful; dem go dey sleep with each oda, but dem nor go born pikin, bikos dem don turn from di Oga God kon dey follow oda gods.”

Levitikus 26:27

“If afta all dis tins happen, una still dey rijet or disobey mi,

Mikah 6:14

Even wen una chop, e nor go ever beleful una and una go still dey hongry like sey una neva chop at-all. Even doh una dey try to save money, e nor go mean anytin for di end. Una go save small, but I go gi-am to doz wey go distroy una.

Haggai 1:6

Una plant many korn, but wetin una harvest, small. Una get food to chop, but e nor dey beleful una. Una get wine to drink, but e nor dey rish una! Even wen una wear many klot, e nor dey make una warm and pipol wey dey work, dia salari nor dey rish dem spend.