Levitikus 26:25 - Holy Bible Nigerian Pidgin English

²⁵ I go ponish una with war, bikos una nor keep di kovenant wey I make with una and if una gada for una towns make una for dey save, I go send diziz wey dem nor dey fit cure among una and una enemies go win una.

Levitikus 26:25 ပူးပေါင်းရင်းမြစ်များ

2 Samuel 24:15

So God kon send bad sickness kom Israel, wey last from dat morning go rish di time wey E choose. From one end go rish di oda end for di kountry, na 70,000 pipol die for Israel.

1 Kings 8:33

Wen Israel pipol enemies win dem, bikos dem sin against Yu and if dem turn to Yu for dis temple kon sey, ‘Papa forgive us’,

1 Kings 8:37

Wen honga dey di land; sickness or plants don spoil, bikos of strong wind, plenty lokust or wen enemies attack yor pipol; or sickness and diziz katch dem,

2 Kings 17:3

King Shalmanesa for Assyria treaten am; so Hoshea kon bi en savant and e dey pay tax to am.

2 Kronikles 24:24

Even doh Siria sojas small, God let dem win Judah sojas, bikos dem don turn from en wey bi dia grand-grand papa God. Like dis, God kon ponish King Joash.

Psalms 94:1

My Oga wey dey fight for pipol. Di God wey dey take revensh, make Yu show us yor glory!

Exodus 5:3

Moses and Aaron kon sey, “Hibru pipol God don show ensef to us. So make yu allow us go di wildaness for three days go do sakrifice to awa God, so dat E nor go kill us with sickness or war.”

Isaya 1:20

But if una sin against mi, una go die. Mi, wey bi God, don tok.”

Isaya 65:12

una go die yeye deat, bikos na so una wont am and una nor ansa wen I koll una or listin wen I tok to una. Una nor gri obey mi, instead una kon dey do wiked tins.

Jeremaya 19:7

Na for der I go for skata di plan wey Judah and Jerusalem pipol dey plan. I go make dia enemies win kon kill dem for war and birds with wiked animals go chop dia dead body.

Jeremaya 24:10

I go bring war, honga and diziz kom meet dem, until nobody among dem go remain for di land wey I give dem and dia grand-grand papa.’ ”

Jeremaya 50:28

(Make una listin! Pipol wey nor get house dey run komot from Babilon go Jerusalem kon tok as di Oga awa God ponish Babilon pipol, bikos of wetin dem do to en temple.)

Jeremaya 51:11

So God go use Media kings take distroy Babilon. E go revensh bikos of en temple wey Babilon sojas distroy. Media sojas oga kon kommand sey, ‘Make una sharp una arrow and karry una shield!

Jeremaya 9:16

I go skata dem go difren nashons wey dem or dia grand-grand papa neva hear of before kon send sojas go fight dem, until I don distroy dem finish.’ ”

Lamentashons 2:21

Si yong and old pipol don die for di street. Enemies don kill both boys and girls. Yu don kill dem, bikos Yu dey vex and Yu nor sorry for dem wen Yu dey kut dem.

Ezekiel 14:17

“Or I fit send war kom dat kountry and dem go distroy di pipol and dia animals with gun, swods and knife

Ezekiel 20:37

Na mi, God dey kontrol una, so dat una go obey my kommand.

Ezekiel 29:8

“Naw, mi God wey get pawa dey tell una sey, I go allow pipol kom attack una with swod and dem go kill una with una animals.

Ezekiel 33:2

“Man pikin, go tell yor pipol wetin go happen. Den tell dem sey: ‘If I bring war kom di land and di pipol choose one man wey go dey wosh for di gate.

Ezekiel 5:17

So, I go send honga and wiked animals kom meet una and dem go kill una shidren. Na trobol and deat go dey una land and I go raiz my swod against una. Mi, wey bi God, don tok.”

Ezekiel 6:3

Tell di mountin for Israel sey make e hear wetin God dey tok; make e hear wetin mi di God wey get pawa dey tok. I dey tell di mountin, hills, river and di valley sey: I go send swod go distroy di place where pipol for dey woship juju.

Hosea 11:6

War go kom dia towns kon break and skata dia gates. Enemies go distroy my pipol for where dem tink sey nor-tin go fit happen to dem.

Levitikus 26:6

I go give una peace for una land and fear nor go katch una wen una dey sleep. I go kill all di wild animals for di land and war nor go dey der.

Amos 4:10

“I send diziz kom meet una like di one wey happen to Egypt pipol. I kill una yong men for war kon skata una horse. I allow dead body dey smell for una kamps, but una nor still gri turn kom meet mi.” Na so Oga God tok.

Habakkuk 3:5

E send diziz go for en front kon kommand deat follow am for back.

Nombas 14:12

I go strike dem with diziz kon distroy dem, den I go make anoda nashon thru yu and e go dey great and mighty pass dem!”

Nombas 16:49

Naw, di pipol wey die with di diziz na 14,700 plus di pipol wey die bikos of Korah matter.

Nombas 31:3

So Moses tell di pipol, “Make una ready for war, so dat una go fit attack Midian pipol kon ponish dem for wetin dem do God pipol.

Luke 21:11

Strong eartkweke, honga and sickness go dey evriwhere; difren-difren tins and bad signs go dey happen and fear go katch evribody.

Deutronomi 28:21

God go send diziz kom meet una, until nor of una go remain for di land wey una go soon enter go stay.

Deutronomi 32:25

Di swod go bring deat for outside and for inside, fear go kill both men and wimen; small pikin and di ones wey don big.

Deutronomi 32:35

I go revensh and pay dem back wen dem go fall, bikos di day wen wahala go kom meet dem, don near well-well and dia judgement don almost full!”

Deutronomi 32:41

I go make my lite sharp like swod and my hand go hold di judgement swod well-well; I go revensh doz wey make mi vex kon pay doz wey hate mi!

Judges 15:11

So 3,000 men from Judah go di kave for di rock for Etam, go meet Samson kon tell am, “Yu nor know sey na Filistia pipol dey rule us? Wetin yu do to us so?” Samson ansa dem, “I pay dem back for wetin dem do mi.”