Levitikus 26:13 - Holy Bible Nigerian Pidgin English

¹³ Na mi bi di Oga una God wey take una komot from Egypt, so dat una nor go bi slave again. I skata di pawa wey hold una for groun and I make una waka with pride.”

Levitikus 26:13 ပူးပေါင်းရင်းမြစ်များ

Psalms 116:16

My God, I bi yor savant; yes, I bi yor savant wey dem born for yor house and Yu don free mi from di shains kon save mi from deat.

Exodus 14:8

God make Fero heart strong well-well, so e kon porshu Israel pipol. Naw Israel pipol just komot Egypt with betta mind.

Exodus 20:2

“Na mi bi di Oga una God wey take una komot from Egypt, where una for bi slave.

Exodus 6:7

I go take una as my pipol and I go bi una God. Den una go know sey na mi bi di Oga wey bi una God. Di One wey save una from Egypt pipol hand wen dem dey sofa una.

Isaya 51:23

But I go gi-am to pipol wey dey opress una; doz wey dey make una liedan for street kon waka on-top una like sey una bi dirty.”

Isaya 9:3

Yu don make di pipol plenty kon give dem great joy. Dem dey happy for yor present, just as doz wey dey harvest wetin dem plant dey happy or as sojas dey celebrate wen dem divide wetin dem karry kom from war.

Jeremaya 2:20

“E don tey wen una rijet my kommand or obey and woship mi. Instead, una give unasef to all di gods wey dey di hill and under evry green tree, like sey una bi ashawo wey dey find who e go sleep with.

Jeremaya 28:2

“Israel God wey dey mighty sey: ‘I don break Babilon king pawa.

Jeremaya 28:4

Jehoiashin wey bi Jehoiakim pikin and all Judah pipol wey go Babilon as slave, I go bring dem kom back. Yes! I go break Babilon king pawa. Mi, wey bi God, don tok.’ ”

Ezekiel 30:18

Darkness go kover Tahpanhes town wen I break and end di pawa wey Egypt get, wey make dem dey make mout and karry body up. Kloud go kover Egypt and all di pipol wey dey inside. Den sojas go katch and karry all of dem go prison.

Ezekiel 34:27

Dia tree go bear fruits; dia fields go bear betta plant and evribody go stay for peace for en land. Wen I don break di shain wey dem take tie my pipol kon free dem from pipol wey dey trit dem like slave, den dem go know sey na mi bi God.

Hosea 11:4

I draw dem near body with love and kindness. I remove dia heavy load from dia head kon bend down feed dem by mysef.

Levitikus 25:38

Na mi bi di Oga una God wey karry una komot from Egypt kon give una Kanaan land. Na mi bi una God.

Levitikus 25:42

Israel pipol na God savants and E karry dem komot from Egypt; so una must nor sell dem as slave.

Levitikus 25:55

bikos Israel pesin nor fit bi slave forever, bikos dem bi my savant wey I karry komot from Egypt; Na mi bi di Oga wey bi dia God.’ ”

Nahum 1:13

Naw, I go skata and distroy Assyria pipol and dem nor go worry my pipol again.”