Levitikus 25:23 - Holy Bible Nigerian Pidgin English

²³ “ ‘Una nor go sell una land forever, bikos di land na God own and una bi strenja wey God allow to use di land.

Levitikus 25:23 ပူးပေါင်းရင်းမြစ်များ

Jenesis 23:4

“Na strenja I bi for una land and I go soon komot here, so make una give mi land where I go beri my wife put.”

Jenesis 47:9

Jakob ansa Fero, “I don stay for more dan one hundred and thirty years. And all di years wey I don spend for dis life nor many, but e nor dey eazy; di years wey I don stay, nor many rish di years wey my grand-grand papa dem stay.”

1 Kings 21:3

Nabot ansa, “I inherit dis vineyard from my grand-grand papa. God forbid sey I go give or sell am to yu!”

1 Kronikles 29:15

Awa Oga God! Yu know sey wi dey pass thru dis world like strenjas, just as awa grand-grand papa dem do. Awa days bi like shadow wey dey fade and wi nor fit run from deat.

2 Kronikles 7:20

I go remove dem from my land wey I give dem; I go forget dis temple wey I santify with my present kon make pipol laf and fool dem among all di nashon.

Psalms 119:19

Na strenja I bi for dis world, so make Yu nor hide yor kommand from mi!

Psalms 24:1

Na God get di eart and evritin wey dey inside. Di world and evribody wey dey stay inside, na en own too.

Psalms 39:12

My God, make Yu hear my prayers! Make Yu listin to my kry for help! Make Yu dey look di tears from my eye. I bi like pesin wey travel kom stay with Yu, just as my grand-grand papa dem bi to Yu.

Psalms 39:13

Make Yu take yor vexnashon from mi, so dat I go fit smile again before I die.

Psalms 85:1

My God, Yu don pour blessing and favor put for yor land and give Israel en glory back.

Exodus 19:5

And naw, if una go obey and keep my kovenant, una go bi special pipol wey I selet from di oda pipol for dis world, bikos na mi get di whole world.

Exodus 2:22

Moses wife born boy and Moses koll am, “Gershom” bikos e sey, “Na strenja I bi for dis land.”

Isaya 8:8

Dem go distroy Judah like wota wey distroy tins. Dem go spread dia feada kon kover di land and sey, ‘O Immanuel.’ ”

Ezekiel 48:14

Di aria wey dem leave for God, must bi di best part for di land and make dem nor sell, shange am or gi-am to anybody. Bikos e dey holy and na God get am.

Hosea 9:3

Israel pipol nor go stay for God land again, but dem go-go back to Egypt, den for Assyria, dem go chop food wey dem dey forbid.

Joel 2:18

Den God go sorry for di land kon pity for en pipol.

Joel 3:2

I go gada and judge di pipol for Jehoshafat Valley, bikos of wetin dem do my pipol. Dem skata Israel pipol for evriwhere kon divide dia land.

Levitikus 25:10

Na like dis una go take make di nomba fifty year dey holy and una go free evribody wey dey stay for di land. For dis year, all di propaty wey dem don sell before, dem go gi-am back to di owner or en relashon. And anybody wey dem sell as slave, go-go back to en family.

Levitikus 25:24

Wen dem sell di land, una go sell back to di owner wen e won buy am back.

Deutronomi 32:43

My pipol, make una happy, bikos God go fight for en savant; E go pay en enemies back kon sorry for en pipol and dia land.

1 Pita 2:11

My friends, I dey beg una, since una bi strenjas for dis world, make una nor follow di tins wey pipol like to do, bikos dem dey distroy pesin soul.