Levitikus 22:18 - Holy Bible Nigerian Pidgin English

¹⁸ “Make yu tell Aaron, en sons and Israel pipol sey, ‘Wen anybody from Israel pipol house or strenja dey give dia burnt ofrin; weda na to pay vow or na from dia mind,

Levitikus 22:18 ပူးပေါင်းရင်းမြစ်များ

2 Kronikles 31:14

Imnah pikin Kore, wey kom from Levi tribe, dey guide di east side for di temple and na-im still dey kollect and divide di gifts wey pipol bring kon give God.

Psalms 116:14

I go keep my promise wey I make to God for en pipol present.

Psalms 116:18

Na for pipol present I go for do wetin I vow to God

Psalms 22:25

I go praiz Yu for where yor pipol gada. Doz wey dey woship Yu, na for dia present I go for do wetin I vow.

Psalms 56:12

My God, I go do wetin I vow to give Yu and tank Yu, bikos of how Yu dey help mi.

Psalms 61:5

Yu know wetin I promise and Yu don give mi di reward wey Yu dey give pipol wey dey obey Yu.

Psalms 61:8

Den, I go dey sing praiz yor name forever kon dey do wetin I promise Yu.

Psalms 65:1

My God wey dey Zion, na betta praiz dey wait Yu, bikos yor pipol dey do wetin dem promise.

Psalms 66:13

I go enter yor temple with sakrifice; I go do di tins wey I promise Yu;

Exodus 12:5

Make di animal wey una choose dey okay; animal wey neva pass one year and e must bi man sheep or goat wey nor dey cripple or get sickness.

Ekklesiastes 5:4

Wen yu promise God sometin, make yu do am kwik-kwik, bikos E nor get anytin to do with fools. So make yu do wetin yu promise.

Levitikus 1:10

“ ‘If di man dey give one sheep or goat, e must bi man own wey dey okay.

Levitikus 1:2

“Make yu go tell Israel pipol sey, ‘Wen anybody one sakrifice animal give God, e fit use en kattle, sheep or goat.

Levitikus 17:10

“ ‘If any Israel pesin or strenja wey dey stay for di land chop meat wey still get blood, God go turn against am and e nor go dey among God pipol again.

Levitikus 17:13

“ ‘If anybody from Israel or strenja wey dey di land kill any animal or bird wey klean, e must pour di blood for groun kon kover am with san.

Levitikus 22:17

God tell Moses:

Levitikus 23:38

Dis festival join di normal Sabat Day and dis ofrin dem join di normal gift ofrin. Dis na ofrin to take do una vow and di ones wey una give God from una mind.)

Levitikus 7:16

“If anybody bring peace ofrin to take pay en vow or e do am from en mind, nor bi all of dem una go chop di day wey e gi-am, but dem fit chop di remain wons for di next day.

Amos 4:5

Bread wey dem make with yist, una dey bring am as ofrin to take tank mi and dey karry body up bikos of di oda ofrins wey una give. True-true, dis na di kind tin wey una like to do.”

Jonah 1:16

Dis tin make di men fear God well-well, so dem offa sakrifice gi-am kon promise to serve am.

Jonah 2:9

But as for mi, I go sing praiz Yu; I go offa sakrifice give Yu kon do wetin I promise, bikos na only Yu fit save mi!”

Nahum 1:15

Si! One messenja dey from di mountin kom give una good news! E dey bring peace message kom. So my pipol for Judah, make una celebrate kon do wetin una promise, bikos una wiked enemies nor go ever enter una land again and God go distroy dem finish.

Malakai 1:14

Curse dey di pesin head wey dey play wayo and offa yuzles animal, wen e bi sey e get many betta animals wey e promise sey e go give mi! I bi strong king and all di nashon dey fear mi.”

Nombas 15:3

make una give mi one melu, one ram, one sheep or goat as burnt ofrin. Nor bi sakrifice to pay una vow or free will or first ofrin; put na ofrin wey God like en smell,

Acts 18:18

Afta Paul don stay many days for Korint, e kon tell all di brodas bye-bye, den e enter ship go Siria, but Priscilla and Akwila follow am go. For Cenchrea, e kon kut en hair bikos e make vow.

Deutronomi 12:17

But make una nor chop ofrin for una own town or tithe for una harvest and for una first fruit or animal, or sakrifice ofrin and vow ofrin.

Deutronomi 12:6

For der, una go karry burnt ofrin, sakrifice, vow ofrin, ordinary ofrin and una ofrin for di first fruit and animals wey una get.

Deutronomi 16:10

Den make una celebrate Harvest Feast to honor di Oga una God. Make una gi-am ofrin from una mind, akordin to how E bless una rish.