Levitikus 19:3 - Holy Bible Nigerian Pidgin English

³ Each of una must respet en papa and mama and una must keep my laws. Na mi bi Oga una God.

Levitikus 19:3 ပူးပေါင်းရင်းမြစ်များ

Jenesis 48:12

So Josef take dem komot from Israel leg kon bow face groun.

Nehemaya 9:14

Yu tish dem sey make dem keep di Sabat Day holy kon give dem yor laws thru yor savant, Moses.

Exodus 16:29

Make una know sey na bikos God sey make una rest for Sabat Day naim make am dey give una doubol food for di sixt day. So make evribody stay en house; make nobody komot en house for di sevent day.”

Exodus 20:12

Shidren! Make una respet una papa and mama, so dat una days for di land wey di Oga una God dey give una, go long well-well.

Exodus 20:8

Make una remember to keep di Sabat Day holy.

Exodus 21:15

“Anybody wey beat en papa or mama, dem must surely kill-am.

Exodus 21:17

“Anybody wey do or trit en papa or mama anyhow, dem must kill-am.

Proverbs 1:8

My pikin, make yu listin wen yor papa dey korrect yu and follow wetin yor mama dey tish yu,

Proverbs 23:22

Listin to yor papa; bikos without am, yu nor go dey dis world and wen yor mama don old, make yu still dey respet am.

Proverbs 30:11

“Some pipol dey curse dia papa and some nor dey tank dia mama.

Proverbs 30:17

“Di mout wey dey laf en papa and nor dey obey en mama kommand, bird from valley go plok am komot and vulture go chop am finish.

Isaya 58:13

God sey, “If una keep di Sabat Day holy and una nor run follow wetin una wont dat day; if una value my holy day and honor am and una nor travel, work or tok yeye word for dat day,

Ezekiel 20:12

I still give dem my Sabat wey go show my promise with dem, so dat dem go remember sey na mi make dem dey holy.

Levitikus 11:44

I bi di Oga una God and una go make unasef pure kon dey holy, bikos I dey holy. Una must nor dirty unasef.

Levitikus 19:25

Den for di fift year, una fit chop di fruit wey e bear kon add am join una harvest. Na mi bi di Oga una God.

Levitikus 19:30

“ ‘Make una keep di Sabat Day and honor di house where una for dey woship mi. Na mi bi God.

Levitikus 19:31

Make una nor go take advise from pipol wey dey serve dead pipol spirit. If una do am, una go dey unklean. Na mi bi Oga una God.

Levitikus 19:34

Make una trit dem as una go trit una fellow Israel pesin. And make una love dem as una love unasef. Make una remember sey, una bi strenja for Egypt before. Na mi bi di Oga una God.

Levitikus 23:3

“ ‘Una go work for six days, but di sevent day, na di day wey una suppose rest. For dat day, una nor go work, but una go gada woship God.

Levitikus 26:2

Una must keep di Sabat Day and honor di place where dem for dey woship mi. Na mi bi Oga God.

Malakai 1:6

Oga God ask di priests, “Pikin dey honor en papa and savant dey respet en masta, but wetin make una nor dey honor mi wey bi una papa? If I bi una masta, why una nor dey respet mi? Una nor dey respet mi, yet una dey ask, ‘How wi nor take dey respet Yu?’

Deutronomi 27:16

Anybody wey nor respet en papa and mama, na curse go follow am. Den all di pipol go ansa, “Amen.”

Deutronomi 5:16

Make una honor una papa and mama, just as di Oga una God don kommand una, so dat una go get long life and e go dey well with una for di land wey E won give una.

Hibru 12:9

If awa papa for eart ponish us and wi dey respet dem, e nor good make God ponish us, so dat awa life go betta?