Levitikus 19:10 - Holy Bible Nigerian Pidgin English

¹⁰ Make una nor go una farm back go gada grape wey don dey yuzles or pick di grape wey fall for groun; but make una leave dem for poor pipol and strenjas. Na mi bi Oga una God.

Levitikus 19:10 ပူးပေါင်းရင်းမြစ်များ

Isaya 17:6

Na only few pipol go survive for Israel and e go bi like olive tree wey dem plok all en fruit komot kon leave like two or three fruit for en branches. Mi, wey bi Israel God, don tok.”

Isaya 24:13

Dis na wetin go happen for evriwhere for di world. E go bi like wen dem dey plok olive tree fruit for harvest time kon leave only di small-small wons for der.

Jeremaya 49:9

Wen pipol dey pick grape, dem dey leave small for di vine and wen tif kom tif for nite, dem dey take only wetin dem wont.

Levitikus 11:44

I bi di Oga una God and una go make unasef pure kon dey holy, bikos I dey holy. Una must nor dirty unasef.

Levitikus 19:11

“ ‘Make una nor play wayo, tif or lie.

Levitikus 19:25

Den for di fift year, una fit chop di fruit wey e bear kon add am join una harvest. Na mi bi di Oga una God.

Levitikus 19:9

“ ‘Wen una don gada di tins wey una harvest for una land, make una nor kut di korn wey dey di land front and make una nor go back go kut di korn wey remain.

Levitikus 23:22

Wen una gada di harvest from una land, make una nor harvest evritin for di land finish and una must nor gada evritin for una harvest. Make una leave some for poor pipol and strenjas. Na mi bi di Oga una God.’ ”

Levitikus 25:6

Even doh una nor plant for una land dat year, di land go produce food for una, una slave, di men wey una hire to work for una, di strenjas wey dey stay for una land,

Obadaya 1:5

“Wen tif kom rob yu for yor house for nite, dem go only tif wetin dem wont! Wen pipol go plok grape for dia vineyard, dem dey leave some for poor pipol! But una enemies go distroy una finish!

Mikah 7:1

E don finish for mi! I bi like pesin wey nor si fruit chop or si fruit pick afta dem don harvest evritin.

Deutronomi 24:19

Wen una harvest una plant kon leave some for di farm, make una nor go back go gada dem. Make una leave doz ones for strenjas; doz wey nor get papa and mama and doz wey dia husband don die, den di Oga una God go bless una for all di work wey una dey do.

Deutronomi 24:20

Wen una dey plok olive fruit from en tree, di ones wey remain bilong to doz wey bi strenjas; wey nor get papa and mama and doz wey dia husband don die.

Deutronomi 24:21

Wen una dey gada grape for una vineyard, make una nor go back again go gada wetin remain; bikos doz ones na for doz wey bi strenjas; wey nor get papa and mama and doz wey dia husband don die.

Judges 8:2

But e tell dem, “Make una nor vex! Even doh una nor kwik kom, wetin una do still big pass di ones wey mi and my men do. E just bi like wen dem harvest grape: di grape wey Efraim tribe waka leave for groun, betta pass all di ones wey Abiezer harvest!

Rut 2:2

One day, Rut wey kom from Moab kon tell Naomi sey, “Abeg, make I go di field go gada rice. I dey sure sey I go si pesin wey go let mi work with am.” Naomi kon ansa, “My pikin! Yu fit go.”