Levitikus 17:15 - Holy Bible Nigerian Pidgin English

¹⁵ Anybody wey kom from Israel or strenja wey chop animal wey die on en own or wey anoda big animal kill, must go wosh en klot, baf and e go dey unklean till evening.

Levitikus 17:15 ပူးပေါင်းရင်းမြစ်များ

Exodus 22:30

“Una go still do like dis for una animals; dem fit dey with dia mama for seven days, but una go give dem to mi for di eight day.

Exodus 22:31

“Una go bi my holy pipol, so make una nor chop any animal wey anoda animal kill for bush. Una must trow di animal meat give dogs.

Ezekiel 4:14

But I ansa, “God wey get pawa well-well, make Yu nor do am like dat! Since I small, I neva chop food wey di law dey forbid or chop animal wey die on en own or wey wiked animal kill. I neva chop any food wey nor klean.”

Ezekiel 44:31

Di priests nor go chop bird or animal wey die on dia own or wey anoda animal kill.”

Levitikus 11:24

“ ‘Anybody wey tosh unklean animal dead body don spoil ensef and dat pesin go dey unklean till evening.

Levitikus 11:25

Anybody wey karry dia dead body, go-go wosh en klot and e go dey unklean till evening.

Levitikus 11:27

All di animal wey dey waka with four legs, doz wey get finger, dey unklean to una. Anybody wey tosh dia dead body go dey unklean till evening

Levitikus 11:28

and di pesin wey karry dia body, go-go wosh en klot, but e go dey unklean till evening. Dis animals nor dey good for una.

Levitikus 11:31

Dis na di ones wey dey unklean among di animals for land. Anybody wey tosh dia dead body go dey unklean till evening.

Levitikus 11:32

Anytin wey dem fall put wen dem die go dey unklean; weda na wood, klot, leda or sak. Doz tins nor dey yuzful again. Even wen dem deep am for wota, e go still dey unklean till evening.

Levitikus 11:39

“ ‘If any animal wey yu suppose chop die on en own, anybody wey tosh en dead body go dey unklean till evening.

Levitikus 11:40

If anybody chop any part for di animal, e must wosh en klot, but e nor go still dey klean till evening. Anybody wey karry di dead body must wosh en klot, but e go dey unklean till evening.

Levitikus 15:10

Anybody wey tosh wetin e sidan put go dey unklean till evening. Anybody wey karry wetin di pesin sidan put must go wosh en klot, baf, but e go still dey unklean till evening.

Levitikus 15:21

Anybody wey tosh di bed wey e sleep put must wosh en hand kon baf, but e go dey unklean till evening.

Levitikus 15:5

“ ‘Anybody wey tosh di bed wey di man liedan put must go wosh en klot kon baf with wota and di pesin go dey unklean till evening.

Levitikus 22:8

E nor go chop any animal wey die on en own or wey anoda big animal kill, bikos e go make am unklean. Na mi bi di Oga una God.

Levitikus 7:24

Una must nor chop animal wey just die on en own or wey wiked animal kill, but una fit use di dead body do anoda tin.

Nombas 19:19

For di third and sevent day, di pesin wey dey klean go sprinkol di wota for di unklean pesin body. For di sevent day, e go santify di man den di man go wosh en klot kon baf, den e go dey klean for evening.

Nombas 19:21

Una go obey dis law forever. “ ‘Di pesin wey sprinkol di klean wota must go wosh en klot and anybody wey tosh di wota go dey unklean till evening.

Nombas 19:8

Di pesin wey burn di melu must wosh en klot with wota kon baf, but e go dey unklean till evening.

Deutronomi 14:21

Make una nor chop anytin wey die on en own. Una fit gi-am to strenja wey dey stay una town or una fit sell am give strenjas. But make una nor chop am at-all, bikos una bi di Oga una God pipol. Make una nor kill or chop small goat wey still dey suck breast.

Revelashon 7:14

I kon ansa, “My oga, na yu know di ansa.” Den e sey, “Dis pipol die bikos of Christ. Dem don use di Lamb blood take wosh dia klot, naim make am white like dat!