Levitikus 16:2 - Holy Bible Nigerian Pidgin English

² “Make yu tell yor broda Aaron sey, na di rite time e go-go di place wey holy well-well for di curtain back, bikos na for der I appear for kloud on-top di Kovenant Box. If e nor do am, e go die.

Levitikus 16:2 ပူးပေါင်းရင်းမြစ်များ

1 Kings 6:16

Di room for inside wey dem dey koll, “Most Holy Place” na di temple back dem build am put. E long rish 30 fit and dem use cedar board take divide am from groun go rish di ceiling.

1 Kings 8:6

Den di priest karry di Kovenant Box enter di temple kon put am for di Most Holy Place; under di creatures wey get feadas.

2 Kronikles 5:14

So, di priests nor fit kontinue dia work again, bikos of di kloud and na God present with en glory, kover di whole temple.

Exodus 30:10

Wons evry year, Aaron go klean di altar with blood from di horn and dem go dey do like dis from one generashon go rish anoda, bikos e dey holy to Oga God.”

Levitikus 16:13

For God present, e go put di incense for fire and di smoke wey dey kom out from di incense go kover di Kovenant Box make e for nor si am kon die.

Levitikus 16:34

Dis na di law wey una go obey forever. Dem must do dis sakrifice wons for evry year to take santify Israel pipol from all dia sins.” So Moses do as God kommand am.

Levitikus 23:27

“Di tent day for di sevent mont go bi di day to pray make God forgive una. Una go gada woship and una nor go chop anytin, but una go give ofrin to God.

Levitikus 8:35

Una must stay for di tent gate for seven days and seven nite, so dat una nor go die. Dis na wetin God kommand.”

Nombas 17:10

Den God tell Moses, “Make yu bring Aaron stik kom back before di Testimony Box kon keep am as sign for sturbon pipol, so dat dia komplain go stop and dem nor go die.”

Nombas 18:7

But na yu and yor sons go do di priest work, evritin wey dey di altar and di Holy Place. And yu must work, bikos I don give yu di gift to bi priest and anybody wey I nor choose, if e kom near di holy tin, dem must kill-am.”

Nombas 4:19

but dis na wetin una go do for dem, so dat dem nor go die wen dem go near di holy tins: Aaron and en sons go give each man en own work.

Nombas 4:5

Wen time don rish for di pipol to travel, Aaron and en sons must enter di tent kon take di curtain take kover di Kovenant Box.

Matiu 27:51

At wons, di temple kotton tear from up go rish bottom. Di groun bigin shake and rocks kon skata for evriwhere.

Hibru 6:19

Dis hope strong for awa heart like ship wey dem tie make e nor for move, bikos di hope wey wi get dey kamkpe and strong gidigba. Di promise go take us pass di curtain for heaven, until wi rish where God dey;

Hibru 9:25

Christ nor nid to offa ensef evry year like di High Priests dey do for di temple with animal blood,

Hibru 9:3

Anoda room wey dem rite, “Holy of Holies”, dey for di curtain back.

Hibru 9:5

God angels wey kover di place where God dey show mesi and forgive sins, dey on-top dis box. But dis nor bi di time for mi to esplain all dis tins give una.

Revelashon 15:8

Den, smoke kon full di temple with God glory and pawa. And nobody fit enter until di seven wahala wey di angels bring, don komplete.