Lamentashons 5:7 - Holy Bible Nigerian Pidgin English

⁷ Na awa grand-grand papa dem sin and dem don die, but naw, wi dey sofa dia ponishment.

Lamentashons 5:7 ပူးပေါင်းရင်းမြစ်များ

Jenesis 42:13

En brodas ansa, “Yor savants na from one house and wi bi twelf boys. Na one man for Kanaan born all of us. Di one wey yong pass dey with awa papa and one don die.”

Jenesis 42:36

So dia papa Jakob kon tell dem, “Una won turn mi to who nor get pikin? Josef don die. I nor know wetin dey happen to Simeon naw. And naw una won kollect Benjamin too! Evritin just dey against mi.”

Job 7:21

Yu nor fit just forgive mi my sins? Yu nor fit just sorry for all di bad tins wey I do? I go soon die and wen Yu dey look for mi, I go don go.”

Job 7:8

Una dey si mi naw with una eyes, but una nor go si mi again. Wen una dey look for mi, I go don go.

Exodus 20:5

Make una nor bow or serve dem, bikos na mi bi di Oga una God and I dey jealous well-well. I bi God wey dey ponish shidren and dia shidren-shidren, bikos dia papa Rijet mi.

Jeremaya 14:20

Wi don sin against Yu wey bi God; so wi dey konfess awa sins and di ones wey awa grand-grand papa dem kommit.

Jeremaya 16:11

Den make yu tell dem, ‘God sey, “Na bikos una grand-grand papa rijet mi kon go woship oda gods. Dem forget mi and nor gri obey my law.

Jeremaya 16:12

And naw, una sin even worse pass dia own. All of una sturbon, wiked and nor dey obey mi.

Jeremaya 31:15

God sey, “Pipol hear kry and shaut for Rama. Rashel dey kry for en pikin dem wey don die and nor-tin wey pipol tok, fit konfort am.”

Jeremaya 31:29

“Wen dat time rish, pipol nor go sey, ‘Papa and mama chop grape wey nor ripe, but na dia shidren tit dey pain dem.’

Ezekiel 16:58

Yu must sofa for all di wiked and bad tins wey yu don do.” God don tok.

Ezekiel 18:2

“Israel pipol, dis word wey una dey always tok for dis land, na wetin e mean? Una dey sey, “ ‘Mama and papa dey chop grape wey don sawa, but na di shidren dey feel di sawa taste for dia mout.’ ”

Zekaraya 1:5

Where una grand-grand papa dem naw? Dem with di profets don die since.

Nombas 14:18

‘Mi wey bi God, I nor dey kwik vex and I dey show my love and goodness well-well. I dey forgive pipol sins and sturbones, but I go still ponish dia shidren-shidren go rish dia third and fourt generashon, bikos of di sin wey dia papa and mama kommit.’