Lamentashons 2:7 - Holy Bible Nigerian Pidgin English

⁷ God rijet en own altar kon hate en temple. E allow enemies distroy di walls and dem kon dey shaut inside di temple like sey dem dey do party.

Lamentashons 2:7 ပူးပေါင်းရင်းမြစ်များ

2 Kings 25:9

E burn God Temple, di royal palis and all di house for Jerusalem.

2 Kronikles 36:19

Dem burn God Temple kon skata Jerusalem wall. Dem burn all di towns wey dem fence kon distroy all dia betta-betta tins.

Psalms 89:39

Yu don forget di kovenant wey Yu make with am kon trow en crown for dust.

Isaya 64:9

so make Yu nor too vex for us or use awa sins against us forever. Wi bi yor pipol, so make Yu sorry for us.

Jeremaya 21:4

Israel God sey, ‘I go distroy yor sojas wey dey fight against Babilon king and en sojas. I go bring dia sojas kom di town centre.

Jeremaya 26:18

“Wen Hezekaya bi king for Judah, Profet Mikah from Moreshet profesai give di pipol. E tell dem sey, ‘God sey, “ ‘ “Dem go klear Zion like field; Jerusalem go turn where dem dey trowey dirty put and di temple hill go turn forest.” ’

Jeremaya 26:6

If una nor gri obey mi, den I go distroy dis temple, just as I distroy Shiloh. I go make sure sey evribody for dis eart dey curse dis town.’ ”

Jeremaya 32:29

and burn am rish groun. Dem go burn am with di house where pipol for don make mi vex, bikos dem dey burn incense give Baal juju on-top di house and dey pour wine as ofrin give oda gods.

Jeremaya 39:8

By dat time, Babilon sojas don burn di royal palis and all di house wey dey Jerusalem rish groun, den dem kon skata di wall.

Jeremaya 4:26

Di land wey dey fruitful before, don empty and evribody dey sofa, bikos of God vexnashon wey dey burn like fire.

Jeremaya 4:27

God sey, “Di whole land go turn desert and I go distroy am finish.

Jeremaya 50:28

(Make una listin! Pipol wey nor get house dey run komot from Babilon go Jerusalem kon tok as di Oga awa God ponish Babilon pipol, bikos of wetin dem do to en temple.)

Jeremaya 52:13

E burn God temple, di royal palis and all di house for Jerusalem. E distroy all di betta-betta house for di town

Lamentashons 1:4

Jerusalem road dey mourn, bikos nobody dey pass der go celebrate again. Di town gate kwayet and pain won kill di priests dem. Di yong wimen dey kry, bikos di trobol wey dem dey face, too mush!

Lamentashons 2:1

God disgrace Zion bikos E dey vex. E don trowey Israel pride from heaven kom down and E nor protet di temple again bikos E really dey vex with dem.

Lamentashons 2:5

God distroy Israel like sey E bi awa enemy. E distroy all di palis dem kon skata awa betta towns. E make evribody for Judah kry and mourn.

Ezekiel 24:21

I tell Israel pipol dis message: ‘Una dey happy, bikos of una temple. Una like to dey look and go der, but I go distroy am and di small-small pipol wey una get for Jerusalem go die for war.’

Ezekiel 7:24

Di pipol wey bad pass, I go bring and let dem tif una house. Una men wey get pawa go run with fear wen I allow pipol kon skata where una for dey woship.

Levitikus 26:31

I go distroy una towns kon skata di place where una for dey woship and I nor go asept una sakrifice.

Levitikus 26:44

“But even wen dem still dey dia enemy land, I nor go leave and distroy dem finish. Bikos dat one go make my kovenant with dem end, na mi bi di Oga dia God.

Amos 2:5

So I go distroy Judah kon burn all di strong-strong buildings wey dey Jerusalem rish groun.”

Mikah 3:12

So, bikos of una, I go klear Zion like field; Jerusalem go bi where dem dey trowey dirty put and di temple go turn hill wey grass grow kover.

Matiu 24:2

Jesus kon tell dem, “Una dey si all dis tins? I tell una true word, wen di time rish, one block nor go dey on-top anoda one, bikos di building go skata finish!”