Lamentashons 2:4 - Holy Bible Nigerian Pidgin English

⁴ E set arrow kon shot us like sey wi bi en enemies. Yes, en rite hand dey ready to shot. E kill us with awa strong men kon pour en vexnashon like fire for Zion head.

Lamentashons 2:4 ပူးပေါင်းရင်းမြစ်များ

2 Kronikles 34:21

“Make una go pray give God for mi and di pipol wey remain for Judah and Israel. Den ask am about di words wey dey dis book wey dem si, bikos God dey vex for us, bikos awa grand-grand papa nor obey en word as dem rite am for dis book!”

2 Kronikles 34:25

Dem don rijet mi kon dey sakrifice give oda gods, so I dey vex for wetin dem do. I dey vex naw for Jerusalem and nor-tin go fit stop mi make I nor ponish dem.” ’

Job 19:11

God dey vex for mi, so E kount mi join en enemies.

Job 6:4

God arrow don enter my body and dia poizin dey flow inside my spirit. God don make mi dey fear.

Psalms 37:14

Wiked pipol dey use dia swod and bow take kill poor pipol, doz wey dem dey opress and doz wey dey raitious.

Psalms 7:13

E go ready en swod wey dey kill kon shot en arrow wey dey hot like fire.

Isaya 42:25

So E make us si how E dey vex kon make us sofa di pains. En vexnashon dey burn like fire for evriwhere for Israel, but wi nor know wetin bin dey happen and wi nor still learn anytin from am.

Isaya 63:10

but dem fight against am kon make am vex. So God kon bi dia enemy and E fight against dem too.

Isaya 63:6

I mash di nashons as I dey vex kon skata dem. Den I pour dia blood for groun.”

Jeremaya 10:20

Dem don distroy awa house and di rope wey bin whole di house togeda, don kut. Dem don karry awa shidren go as slave and dem nor go kom back again, bikos of dat, nobody dey to help us build awa house or hang di curtains again.”

Jeremaya 21:12

“Make una listin to wetin mi wey bi God dey tok. Make una make sure sey dem dey always give korrect judgement for kourt. Make una protet pesin wey dem dey opress from who dey opress am and bikos of di bad tins wey una dey do, my vexnashon go burn una like fire wey nor dey kwensh.

Jeremaya 21:5

Na with all my pawa, vexnashon and fire, I go take fight against yu.

Jeremaya 30:14

Doz wey love una, don forget una; dem nor kare about una again, bikos I don attack una like una enemy. Una ponishment go sirious well-well, bikos una wiked and don sin well-well.

Jeremaya 36:7

May bi, den dem go pray give God kon shange from di bad tins wey dem dey do, bikos God don treaten dem with en vexnashon and fire.”

Jeremaya 4:4

Make una keep di kovenant wey una make with mi wey bi una God kon dedikate unasef to mi. If una nor do am and una kontinue di bad tins wey una dey do, my vexnashon go burn una like fire. E go burn well-well and nobody go fit kwensh am.”

Jeremaya 42:18

Bikos Israel God sey, ‘Just as I pour my vexnashon and fire for Jerusalem pipol, na so too, I go pour my vexnashon for una head, if una go Egypt. Pipol go si una dey fear, dem go hate and use una name as curse. Una nor go ever si dis place again.’

Jeremaya 7:20

So, di Oga God sey, “I go pour my vexnashon for dis land. I go pour am put for both pipol and animals body and even di trees and food wey dem plant. My vexnashon go burn like fire and nobody go fit kwensh am.”

Lamentashons 1:13

E send fire kom from heaven and e dey burn inside my bone. E set trap for mi and I fall enter. Naw E don forget mi and I dey sofa well-well.

Lamentashons 2:5

God distroy Israel like sey E bi awa enemy. E distroy all di palis dem kon skata awa betta towns. E make evribody for Judah kry and mourn.

Lamentashons 3:3

Evritime, na only mi E dey always ponish.

Lamentashons 4:1

Make una si as gold nor dey yuzful again. Di gold wey fine and dey shine well-well before, nor dey shine again and di temple stones don skata for di street.

Lamentashons 4:11

But naw, God don pour en vexnashon finish. E don send fire kon burn Jerusalem town rish groun.

Ezekiel 13:13

Naw, dis na wetin God wey get pawa dey tok: “As I dey vex, I go send strong breeze with rain and big-big stone kon skata di wall.

Ezekiel 20:34

Bikos I dey vex, I go use my strong hand take gada una togeda kom back from di kountries where I bin skata una go.

Ezekiel 22:22

Just as silva dey melt for fire, na so too dem go melt for Jerusalem, den dem go know and feel my vexnashon.”

Ezekiel 24:25

God kon sey, “Man pikin, I go remove di strong temple wey bi dia joy and pride. Di temple wey dem dey like to look and visit. I go still take dia shidren komot dia hand.

Ezekiel 36:18

Bikos of di pipol wey dem don kill for di land and juju wey dem pak full am, I kon let dem feel as my vexnashon strong rish.

Ezekiel 5:13

So my vexnashon go end and my ponishment go rest for dia head, den I go dey okay. Wen all dis tins don happen, una go si, undastand and know sey na mi God, tok to una.

Ezekiel 6:12

Doz wey dey stay far, na sickness go kill dem; doz wey dey here go die for war; doz wey survive, na honga go kill dem. Dem go feel how my vexnashon strong rish.

Ezekiel 7:14

Even doh sey dem blow di trumpet and all di sojas for Israel dey ready, nor of dem go gri go fight, bikos I dey vex for all of dem.

Levitikus 26:17

I go turn against una kon make una enemies win and di pipol wey hate una, go rule una. Fear go katch una sotey una go dey run wen nobody dey porshu una.

Nahum 1:2

Oga God dey jealous well-well; E dey ponish doz wey dey oppoz am and E dey fight against en enemies!

Nahum 1:6

Na who fit stand wen God dey vex? Who fit survive en vexnashon wey bi like hot fire? En vexnashon dey burn like fire and mountins dey skata to pieces for en present.

Deutronomi 32:22

Bikos my vexnashon don kause fire and e don burn rish di part wey deep pass for di grave kon distroy di eart and en plants, den e skata di mountins foundashon.

1 Samuel 28:16

Samuel kon sey, “Wetin make yu dey ask mi naw wey God don turn from yu kon bi yor enemy?