Lamentashons 2:20 - Holy Bible Nigerian Pidgin English

²⁰ Si, Oga God! Why Yu dey ponish us like dis? Make wimen chop dia shidren wey dem love? Or make dem kill priests and profets for inside God temple, bikos of sofa?

Lamentashons 2:20 ပူးပေါင်းရင်းမြစ်များ

2 Kronikles 36:17

E allow Babilon king kill all dia yong men for dia temple. E nor sorry for di yong men or wimen, or even di old pipol. God give all of dem to Babilon king.

Psalms 78:64

Dem kill dia priests and wimen wey dia husband don die, nor fit mourn for dem.

Exodus 32:11

But Moses beg God kon sey, “My Oga! Why Yu dey vex with yor pipol wey Yu take komot from Egypt with great pawa and mighty hand?

Isaya 22:2

Di whole town dey make nois anyhow. Una pipol wey die, nor die for war, but na honga kill dem.

Jeremaya 19:9

Wen dia enemies surround di town won kill dem, I go make dem chop dia shidren and dem go still chop each oda too.’ ”

Jeremaya 21:7

Naw, mi, God promise sey, “King Zedekaya with en ofisas and doz wey survive di war, di honga and diziz, I go give dem to King Nebukadnezzar for Babilon and to dia enemies wey won kill dem. King Nebukadnezzar go kill dem with swod and e nor go pity or sorry for dem at-all.” ’ ”

Jeremaya 5:31

Di profet dem dey lie; di priests dey rule as dem like and my pipol like am like dat. But di day wey wahala and distroshon go start, na where dem go run go for help?

Lamentashons 1:19

I koll all di pipol wey love mi make dem help mi, but instead, dem kom deceive mi. Na honga kill my priests and leaders for di town wen dem dey find food wey dem go chop.

Lamentashons 4:10

Wen dem distroy my pipol, even wimen wey love dia shidren, dey kook dem chop, bikos of honga.

Lamentashons 4:13

But dis tin happen, bikos of di sin wey di profets and di priests kommit and bikos of di innocent pipol for di town, wey dem kill.

Lamentashons 4:16

Na God skata dem and E nor dey help dem again. Pipol nor dey respet dia priests or honor di leaders again.

Ezekiel 5:10

Bikos of dis, for Jerusalem, papa and mama go chop dia pikin and shidren go chop dia papa and mama. I go ponish una and doz wey go remain wey nor die, I go skata dem for evriwhere for dis world.

Ezekiel 9:7

God sey, “Skata di temple! Make dead body full inside! Make una start to kill!” So dem start to kill di pipol wey dey for di town.

Levitikus 26:29

Una go dey hongry sotey una go dey chop una own shidren.

Deutronomi 9:26

I pray to am, “My Oga God, make Yu nor distroy yor pipol wey bi yor betta propaty; pipol wey Yu save with yor own pawa kon take dem komot from Egypt with yor strent.