Lamentashons 2:17 - Holy Bible Nigerian Pidgin English

¹⁷ But na God do wetin E plan. E don do wetin E promise and E warn us about am since. E nor sorry for Jerusalem kon distroy am. E give awa enemies viktory and dem dey happy, bikos God don distroy us.

Lamentashons 2:17 ပူးပေါင်းရင်းမြစ်များ

1 Kings 9:7

I go remove una from Israel pipol and di land wey I give dem. I go still abandon dis temple wey I don make holy sey make dem for dey woship mi. Pipol for evriwhere go laf Israel pipol and dem nor go respet dem again.

Psalms 35:24

Show sey I nor do anytin, bikos na Yu dey judge well. Make Yu nor let my enemies laf mi, bikos of di trobol wey I dey face.

Psalms 35:26

Make disgrace and shame follow pipol wey dey happy sey I dey sofa. Make nobody honor doz wey dey dance, bikos I dey sofa and make shame kover dem.

Psalms 38:16

I dey pray, “Make Yu nor let my enemies happy, bikos I fall for groun.”

Psalms 89:42

Yu don give en enemies pawa kon make dem dey happy.

Psalms 89:43

Yu make sure sey en swod nor mean anytin and Yu nor gri help am for war again.

Isaya 14:29

Filistia pipol, di kane wey dem take flog una don break, but make dat one nor make una dey happy. If one snake die, di one wey bad pass go take-ova, bikos na dragon go fly kom out from di snake egg.

Jeremaya 18:11

So naw, tell Judah and Jerusalem pipol sey, ‘I dey plan and dey ready to ponish dem.’ Tell dem make dem stop to dey sin kon shange di way dem dey live dia life and di tins wey dem dey do.

Jeremaya 4:28

Bikos of dis, di eart go kry and di sky go black, bikos God don tok sey na so e go bi and E nor go shange en mind.”

Jeremaya 40:3

and naw, E don do wetin E sey E go do. All dis tin happen, bikos yor pipol sin and nor gri obey God.

Lamentashons 1:5

Jerusalem enemies don turn dia oga naw and dem dey prosper, bikos God ponish Jerusalem pipol for di sins wey dem kommit. Dem don katch and take dia shidren go far land.

Lamentashons 2:8

God won distroy Jerusalem fine wall. E dey plan to distroy am and E go do wetin E plan. Den E go skata di towas and di walls rish groun.

Lamentashons 3:43

Yu don hide yorsef bikos Yu dey vex and Yu porshu us komot for yor front. Yu nor even pity for us wen Yu dey kill us.

Lamentashons 4:11

But naw, God don pour en vexnashon finish. E don send fire kon burn Jerusalem town rish groun.

Ezekiel 5:11

“So as long as mi God dey alive and as una don spoil my temple with una juju and all di bad tins wey una dey do, I nor go sorry for una wen I dey distroy una.

Ezekiel 8:18

So, dem go feel my strong vexnashon. I nor go sorry or pity for dem. Dem go shaut well-well as dem dey pray give mi, but I nor go ansa or listin to dem.”

Ezekiel 9:10

But I nor go sorry for dem. Na wetin dem do oda pipol, na di same tin I go do dem.”

Daniel 9:12

Yu don do wetin Yu sey Yu go do wi and awa leaders. For all di towns wey dey for dis world, na Jerusalem Yu dey ponish pass.

Mikah 2:3

But dis na wetin God dey tok, “I dey plan to distroy dis pipol and dem nor go fit eskape am. Trobol go follow dem, den dem nor go dey waka with pride again, bikos dat time go bad for dem.”

Zefanaya 1:2

God sey, “I go swip evritin komot from dis eart.

Zekaraya 1:6

But evritin wey I tok thru my profets, happen to una grand-grand papa dem, just as I tok am. So dem turn from sin kom meet mi kon sey, ‘Oga God wey dey lead heaven sojas, na en really ponish us, just as wi deserve am. E don do wetin E sey E go do.’ ”