Lamentashons 2:15 - Holy Bible Nigerian Pidgin English

¹⁵ Pipol wey dey pass di town dey look una with shame. Dem dey laf and shake dia heads, bikos Jerusalem don skata. Dem sey, “Nor bi di fine town wey di world bin like well-well bi dis?”

Lamentashons 2:15 ပူးပေါင်းရင်းမြစ်များ

2 Kings 19:21

And dis na wetin I tok about am: “ ‘ “Zion dota wey neva sleep with anybody before, dey curse and laf yu; Jerusalem dota dey shake head follow yu.

2 Kronikles 7:21

But for dis temple, wey bin dey good and okay, evribody wey dey pass am go shok kon sey, ‘Wetin make God do like dis to dis land and dis temple?’

Psalms 109:25

Pipol for evriwhere dey use mi make yeye; wen dem si mi, dem dey shake dia head dey laf.

Psalms 22:7

Anybody wey si mi, dey laf mi. Dem go look mi kon shake dia head sey,

Psalms 48:2

Di mountin dey high and fine well-well; di whole eart dey happy to si am! Mount Zion wey bi di holy mountin, na-im bi di town where di great King dey stay!

Psalms 48:3

God ensef dey for Jerusalem towa and na-im dey defend us.

Psalms 50:2

From Mount Zion wey fine well-well, God dey shine inside en glory.

Psalms 64:8

Na dia own bad word go kill dem. And anybody wey si dem, go shake en head kon sorry for dem.

Isaya 28:21

Den God go raiz-up as E do for Mount Perazim and for Gibeon Valley, so dat E go do wetin E won do. Even if wetin E dey do dey sopraiz us; E go komplete en wonderful work.

Isaya 37:22

“God sey, ‘Jerusalem town dey laf and play with King Sennakerib.

Isaya 64:11

and awa temple wey holy and fine, wey awa grand-grand papa dem for dey praiz Yu before, don skata and dem distroy am with fire. Evriwhere wey wi love, don skata.

Jeremaya 18:16

Naw, di land go turn to where pipol go dey fear and hate. All di pipol wey go pass am, go sopraiz and shake dia head, bikos of wetin dem si.

Jeremaya 19:8

I go distroy dis place well-well. Pipol wey dey pass go shok and shake dia head, bikos of wetin happen.

Jeremaya 25:18

I go make Jerusalem and all di towns for Judah, dia kings and all dia ofisas drink from am, so dat di land go turn to desert, where dem dey trow dirty put and wen pipol si am, dem go shok with fear. Den pipol go use dia name dey curse pipol, just as dem don already dey use am.

Jeremaya 25:9

‘I go koll di pipol wey dey nort and my savant King Nebukadnezzar for Babilon and dem go kom fight against Judah pipol and di towns wey dey round Jerusalem. I go distroy and skata dis nashon and di ones wey dey round am, forever. I go make pipol si and dey fear dem.

Jeremaya 26:6

If una nor gri obey mi, den I go distroy dis temple, just as I distroy Shiloh. I go make sure sey evribody for dis eart dey curse dis town.’ ”

Jeremaya 29:18

I go use war, honga and diziz take porshu dem, sotey all di oda nashons for di world go shok, fear, laf and curse dem for anywhere wey I skata dem go,

Jeremaya 48:27

Moab pipol, hope una remember how una take laf Israel pipol? Una trit dem like sey dem bi tif.

Jeremaya 51:37

Babilon go turn where dem dey trowey dirty put and trobol go dey follow am. Pipol go fear and hate dem and nobody go stay der again.

Lamentashons 1:21

Even doh dem hear sey I dey sofa, nobody gri kom konfort mi. My enemies know sey I dey trobol and dem dey happy to si as God ponish mi. Make di Judgement Day wey Yu promise kom, so dat dem go sofa, just as I don sofa so.

Lamentashons 1:8

Bikos Jerusalem sin well-well, God kon rijet dem like dirty rag. All di pipol wey dey honor am before, don hate am naw, bikos dem don si en nakednes and shame. Di only tin wey e fit do naw, na to dey kry with pain and hide en face with shame.

Lamentashons 2:16

All yor enemies dey laf and happy sey, “At last, wi don distroy am! Wi don dey wait for dis day since and naw, e don kom.”

Lamentashons 2:6

E distroy en temple like sey na vineyard kon skata where wi for dey woship am. God make Zion pipol forget dia festival and Sabat Day. Naw, kings and priests don fall, bikos E dey vex.

Ezekiel 16:13

Yu get difren gold and silva and yu always dey wear klot wey dem make with betta linen and silk. Yu dey chop bread wey dem make with di best flower and yu get many honey and olive oil to drink. Yor beauti dey shine and yu bi kween.

Ezekiel 16:14

Bikos of di wey yu fine rish, evribody know yu for evriwhere, bikos na mi make yu fine well-well. Dis na wetin God wey get pawa dey tok.

Ezekiel 23:32

God wey get pawa sey, “Yu go drink from yor sista cup; e dey big and deep. Evribody go laf yu well-well, bikos yor cup don full.

Ezekiel 25:6

Dis na wetin God wey get pawa dey tok: Una klap una hand kon dey jump with happiness and dey curse Israel land.

Ezekiel 5:15

Wen I vex kom ponish una, all di nashons near una, go fear. Dem go shake dia head and laf as dem dey look una.

Daniel 9:16

Before-before, Yu dey defend us. So make Yu nor vex for Jerusalem again, bikos na yor town and holy hill, e bi. Doz wey dey stay near us, dey look Jerusalem kon dey laf yor pipol, bikos of awa sin and di wiked tins wey awa grand-grand papa dem do.

Mikah 6:16

Una dey obey only King Omri wiked laws and una wiked like King Ahab! So, I go use una as ezample kon distroy una finish. Dem go ponish una and evribody wey si una, go laf well-well.”

Nahum 3:19

Yor sore nor get cure and nobody go fit heal yu again. Doz wey hear as dem take distroy yu, dey klap and sing with joy, bikos yor wahala and trobol, too mush.

Zefanaya 2:15

Dis na di find town wey dem guide well-well before. Di town bin dey boast sey, “Na mi great pass! E nor get any town wey bi like mi!” But naw, si as e don turn where dem dey trowey dirty put and na wild animals dey stay der naw. Evribody wey dey pass der, dey laf and shake dia head bikos of am.

Matiu 27:39

So di pipol wey dey pass where Jesus Christ dey kon dey laf am and dey shake dia head

Mark 15:29

Pipol wey dey waka pass kon dey shake dia head and dey tok bad about am sey, “Eehen! Yu wey sey, yu go fit distroy di temple kon build am again for three days.