Lamentashons 1:20 - Holy Bible Nigerian Pidgin English

²⁰ So my God, make Yu si as I dey sofa! My heart dey kry, bikos of my sins. Dem dey kill pipol for di street and even deat dey inside house too dey wait mi.

Lamentashons 1:20 ပူးပေါင်းရင်းမြစ်များ

Job 30:27

Pain and worry don skata my body; I dey sofa evriday.

Job 33:27

Di pesin go sing give odas sey, ‘I sin kon do wetin dey bad, but God nor ponish mi as e suppose to bi.’

Psalms 22:14

My life bi like wota wey dem trowey and all my bones don skata. My heart bi like kandol wey dey melt inside mi.

Psalms 38:8

I don taya and my own don finish. I dey kry from my heart, bikos of all di pain for my body.

Proverbs 28:13

Yu nor go ever susid for life if yu try to hide yor sin. Konfess and stop to do dem and God go show yu mesi.

Isaya 16:11

My heart dey kry for Moab and Kir-Hareset pipol.

Isaya 38:14

I nor fit shaut and I dey weak kon dey do like dove. My eyes don taya to dey look heaven. So God, make Yu save mi from all dis trobol.

Jeremaya 14:18

Anytime I dey strol outside di town, doz wey dem kill for war, na dia dead body I dey si for road and wen I enter di town, I go still si sey pipol dey die, bikos dem nor si food chop. Profet and priest dey do dia work, but dem nor know wetin dem dey do.”

Jeremaya 14:20

Wi don sin against Yu wey bi God; so wi dey konfess awa sins and di ones wey awa grand-grand papa dem kommit.

Jeremaya 2:35

una still sey, ‘Wi neva do any bad tin at-all, so God nor go vex for us again.’ But make una look! I go make sure sey I judge una, bikos una sey, ‘Una neva kommit any sin.’

Jeremaya 3:13

But make una first gri sey una don sin against mi wey bi di Oga una God. Make una konfess sey una nor dey obey my kommand and una don show una love to oda gods for under evry green tree.” Mi, wey bi God, don tok.

Jeremaya 31:20

So God ansa, “Israel, una bi my shidren wey I love well-well. I dey always tink of una with love wen ever I remember una name. Una dey for my heart and I go really sorry for una.

Jeremaya 4:19

Den I sey, “I nor go fit bear dis pain! My heart dey beat fast-fast! I nor fit kwayet, bikos I hear di trumpets and war nois.

Jeremaya 48:36

So I dey kry from my heart for Moab and Kir-Heres pipol like pesin wey dey blow trumpet and sing burial song, bikos evritin wey dem get, don vanish.

Lamentashons 1:11

En pipol dey feel di pain and dem dey find wetin dem go chop. E sell en betta-betta tins make e for si money take buy food chop, so dat e nor go die. So e kry, “My God, make Yu look kon si as I dey sofa.”

Lamentashons 1:18

Jerusalem sey, “God dey rite, bikos I go against en kommand. So pipol for evriwhere, make una listin kon si as I dey sofa! Dem don karry my shidren go Babilon as slave.

Lamentashons 1:8

Bikos Jerusalem sin well-well, God kon rijet dem like dirty rag. All di pipol wey dey honor am before, don hate am naw, bikos dem don si en nakednes and shame. Di only tin wey e fit do naw, na to dey kry with pain and hide en face with shame.

Lamentashons 1:9

E nor keep ensef klean or tink of wetin go happen to am. Naw, e dey inside gutta and nobody won bring am out. So e kry kon sey, “Oga God, make Yu si wetin dey happen to mi; my enemies don win mi.”

Lamentashons 2:11

I don kry sotey wota nor gri kom out from my eye again; my heart don break. I don taya and e dey pain bi wen I si how dem distroy my pipol and how shidren dey faint anyhow for di town.

Lamentashons 5:16

Awa crown don fall komot from awa head, bikos wi don sin and naw, wi dey sofa.

Ezekiel 7:15

Pipol go dey fight each oda for street, but for house, na sickness and honga go dey der. Anybody wey dey outside di town go die for di fight and evribody wey dey house, na sickness and honga go kill dem.

Daniel 9:5

Wi don sin! Wi wiked well-well and wi dey do bad tins. Wi nor dey do wetin Yu kommand and wi don turn from yor korrect way.

Hosea 11:8

Efraim pipol, how I won take leave or abandon una? I nor fit distroy una just as I distroy Admah pipol or trit una as I trit Zeboiim pipol? My heart nor go let mi do am, bikos di love wey I get for una, too strong.

Habakkuk 3:16

I fear well-well wen I hear all dis tins and my lips kon dey shake. Fear and kold katch mi at wons. I go really wait for di time wen God go ponish doz wey dey attack us.

Deutronomi 32:25

Di swod go bring deat for outside and for inside, fear go kill both men and wimen; small pikin and di ones wey don big.