Lamentashons 1:10 - Holy Bible Nigerian Pidgin English

¹⁰ Dem don tif all wetin e get; all en betta tins don vanish. E dey look as strenjas dey use di holy temple anyhow; di place wey God sey make dem nor enter.

Lamentashons 1:10 ပူးပေါင်းရင်းမြစ်များ

2 Kronikles 36:18

Di king karry all di tins wey dey God Temple go Babilon; weda di tins big or small, plus all di tins wey dem keep for God Temple, Israel kings and en ofisas store room.

Nehemaya 13:1

Wen dem dey read Moses law give di pipol, dem kon rish di place wey sey make dem nor allow any Ammon or Moab pesin join God pipol.

Isaya 63:18

Na small time wi spend for yor house before awa enemies drive us kon skata yor temple.

Jeremaya 15:13

I go send enemies kom tif una propaty and dis go bi ponishment for di sins wey una kommit for di land.

Jeremaya 20:5

I go still make dia enemies tif dia propaty kon seize all di betta-betta tins. Dem go karry Judah king propaty go Babilon.

Jeremaya 27:19

Di God wey dey mighty don already tok about di two pila wey dem make with bronze; di sea, di stands and di tins wey remain for di town

Jeremaya 27:21

So, make una listin to wetin mi wey bi Israel God wey get pawa dey tok about di betta-betta tins wey remain for Jerusalem temple and palis:

Jeremaya 50:28

(Make una listin! Pipol wey nor get house dey run komot from Babilon go Jerusalem kon tok as di Oga awa God ponish Babilon pipol, bikos of wetin dem do to en temple.)

Jeremaya 51:51

Di pipol sey, “Wi dey shame, dem don insult and disgrace us, bikos strenjas don dirty God temple.”

Jeremaya 52:13

E burn God temple, di royal palis and all di house for Jerusalem. E distroy all di betta-betta house for di town

Lamentashons 1:7

Even inside en pain, Jerusalem remember wen e nor get money or house to stay. E still remember all di propaty wey e bin get. But naw, en enemies don attack am and nobody gri kom help am. Di way e take fall, dey make en enemies laf.

Ezekiel 44:7

Dem don dirty my temple, bikos dem dey allow pipol wey neva sekonsaiz enter. Pipol wey nor dey obey mi dey enter di temple wen dem dey offa animal give mi as sakrifice. So my pipol don break di kovenant with all dis yeye tins wey dem dey do.

Ezekiel 7:22

I nor go tok wen tif dey distroy and rob my temple.

Ezekiel 9:7

God sey, “Skata di temple! Make dead body full inside! Make una start to kill!” So dem start to kill di pipol wey dey for di town.

Mark 13:14

“Wen una si wetin nor suppose happen dey happen for di Holy Place (make di pesin wey dey read, know wetin dis word mean), den doz wey dey Judea, must run go mountin.

Deutronomi 23:3

Make no Ammon or Moab pesin enter God present; even to dia tent generashon, make nor of dem enter where God dey.

Deutronomi 23:4

Dis pipol nor welkom una with food and wota wen una kom out from Egypt. Instead dem hire Balaam wey en papa bi Beor from Petor wey dey Aram Naharaim sey make e curse una.