Lamentashons 1:1 - Holy Bible Nigerian Pidgin English

¹ Jerusalem, where many pipol dey stay before, don empty naw. Di town wey great pass oda nashons before, don bi like woman wey en husband die leave. Na Jerusalem bi kween for di world before, but naw, na slave e bi.

Lamentashons 1:1 ပူးပေါင်းရင်းမြစ်များ

1 Kings 4:21

Na Solomon dey kontrol all di nashons from Eufrates River go rish Filistia and Egypt borda. Dem dey under am dey pay tax gi-am till e die.

2 Kings 23:33

Fero Neko katch am put for prison for Riblah wey dey Hamat land, so dat e nor go fit rule Jerusalem pipol. Neko sey make di pipol for di land pay am 7,500 pound for silva and 75 pound for gold.

2 Kings 23:35

Jehoiakim dey give Fero di normal amount wey e sey make dem dey gi-am. But to make sure sey e meet dis payment, e kon dey tax di pipol for di land. E dey kollect plenty money from each pesin, so dat e go fit pay Fero Neko.

2 Kronikles 9:26

E rule all di kingdoms from Eufrates River go rish Filistia pipol land and e still rish di borda for Egypt side.

Ezra 4:20

Kings wey get pawa don rule for der before and dem rule di whole West Eufrates aria, dey kollect tax and oda money.

Nehemaya 5:4

Some odas still sey, “Wi borrow money take pay di royal tax for awa farm and vineyards.

Nehemaya 9:37

Di king wey Yu put ova us, bikos wi sin, na-im get evritin wey di land dey produce. Na wetin dem like dem dey do with wi and awa animals and wi really dey sofa for dia hand.

Psalms 122:4

Israel wey bi God pipol, all en tribes dey go der go woship am. Just as Israel law tok, dem dey kom give God tanks for der.

Isaya 14:12

Babilon king, yu wey bi di morning star wey dey shine; make yu si as yu fall from heaven, just as devil fall! Before-before, yu katch many pipol, but naw, dem don trow yu for groun.

Isaya 22:2

Di whole town dey make nois anyhow. Una pipol wey die, nor die for war, but na honga kill dem.

Isaya 3:26

Den Zion pipol go sidan for groun dey kry and mourn, bikos of dia pipol wey die.

Isaya 49:21

Den una go tell unasef sey, ‘Who give us all dis shidren? Wi know sey dem kill awa shidren kon karry di rest go as slave. Na only wi dey, so where all dis shidren from kom? Na who born dis shidren? Who train dem for us?’ ”

Isaya 50:5

God don make mi undastand well-well and I neva tok anyhow or turn from am.

Isaya 52:2

Jerusalem pipol, make una shake unasef kon dey free! Make una stand up from dirty kon sidan for una throne! Zion pipol, make una luz di shain wey tie una!

Isaya 52:7

Si as e dey good to si messenja wey dey kom give una peace and good news from di mountins! E dey announce sey una don win kon tell Zion pipol sey, “Una God na king!”

Isaya 54:4

Make una nor fear, dem nor go disgrace una again. Make una nor fear at-all, bikos una nor go face shame again. Una go forget una shame wey happen wen una dey small and una nor go remember di sofa wey una sofa wen una nor get shidren.

Jeremaya 31:7

God even sey, “Make una sing and happy for Israel pipol; make una happy for di nashon wey great well-well. Make dem hear una praiz for evriwhere kon sey, ‘God, make Yu save yor pipol, diliver Israel pipol wey remain.’

Jeremaya 40:9

Gedalaya tell dem, “I dey tell una naw sey, make una nor fear to surenda give Babilon pipol. Make una stay for dis land, serve Babilon king and evritin go-go well for una.

Jeremaya 42:2

kon tell mi: “Abeg, make yu do wetin wi won tell yu so! Make yu help us wey dey alive pray to di Oga awa God. Wi many before, but naw, yusef dey si sey wi nor many again.

Jeremaya 44:2

Israel God wey dey mighty sey, “Yu yorsef don si di way I take distroy Jerusalem and all di oda towns wey dey Judah. Dia town still skata and dem nor get hope again,

Jeremaya 44:6

Na dis make mi pour my fire and vexnashon for Judah towns and all di street for Jerusalem. As e bi naw, dia life don skata and pipol wey si dem, dey fear.

Jeremaya 50:23

Before, Babilon pipol skata di whole world. But naw, dat hammer wey dem use, don skata. Pipol shok as dem si wetin happen to di kountry.

Jeremaya 9:11

God sey, “I go pak dirty full Jerusalem and jackals go dey stay der, den I go turn Judah town to desert where nobody dey stay.”

Lamentashons 1:19

I koll all di pipol wey love mi make dem help mi, but instead, dem kom deceive mi. Na honga kill my priests and leaders for di town wen dem dey find food wey dem go chop.

Lamentashons 2:1

God disgrace Zion bikos E dey vex. E don trowey Israel pride from heaven kom down and E nor protet di temple again bikos E really dey vex with dem.

Lamentashons 2:10

Jerusalem leaders sidan kwayet for groun. Dem wear sak klot kon pak dust put for dia head and di yong wimen kover dia face for groun with shame.

Lamentashons 4:1

Make una si as gold nor dey yuzful again. Di gold wey fine and dey shine well-well before, nor dey shine again and di temple stones don skata for di street.

Lamentashons 5:16

Awa crown don fall komot from awa head, bikos wi don sin and naw, wi dey sofa.

Ezekiel 26:16

All di kings for di kountries wey dey near river go kom down from dia throne. Dem go pul dia crown and fine-fine klot komot body kon sidan for groun dey fear bikos of how dem dey distroy una town.

Ezekiel 26:2

“Man pikin, dis na wetin Tyre pipol dey tok about Jerusalem. Dem sey, ‘E get pawa before bikos of en money, but naw wey di town don skata, wi go get plenty money kon strong pass am!’

Ezekiel 5:5

“Dis na wetin God wey get pawa dey tok: Na Jerusalem bi dis; I put am for difren nashon centre and difren kountries dey round am.

Levitikus 26:31

I go distroy una towns kon skata di place where una for dey woship and I nor go asept una sakrifice.

Levitikus 26:33

I go make war happen to una and I go skata una go strenj land. Nobody go dey di land and I go distroy una towns.

Zefanaya 2:15

Dis na di find town wey dem guide well-well before. Di town bin dey boast sey, “Na mi great pass! E nor get any town wey bi like mi!” But naw, si as e don turn where dem dey trowey dirty put and na wild animals dey stay der naw. Evribody wey dey pass der, dey laf and shake dia head bikos of am.

Revelashon 18:7

As e karry ensef up, dey enjoy yeye life, na so di sofa and sadnes wey yu go gi-am, go plenty rish, bikos e tok for en mind sey, ‘I dey rule like kween, my husband neva die and I nor go ever si sadnes again!’