Kolossians 3:22 - Holy Bible Nigerian Pidgin English

²² Una wey bi savants, make una obey una mastas (dey do wetin dem tok) for evritin and nor bi only wen dem dey look una. Make una nor dey do like pipol wey wont make dem praiz dem, but make una dey obey with betta mind, bikos una dey fear God.

Kolossians 3:22 ပူးပေါင်းရင်းမြစ်များ

Jenesis 42:18

For di third day, Josef kon tell dem, “Make una do as I tok and una go dey alive, bikos I dey fear God.

Nehemaya 5:15

All di govnors wey don rule before mi, trobol di pipol and dey kollect forty silva koins evriday for food and wine. Even dia savants dey opress di pipol too. But I difren from dem, bikos I dey fear God.

Nehemaya 5:9

Den I sey, “Wetin una dey do so nor good! Una nid to respet God and dey do wetin korrect. Den una nor go give awa enemies wey bi Gentile pipol, any shance to laf us.

Psalms 123:2

Just as savants dey depend on dia masta and as savant girls dey depend on dia madam, na so wi too dey depend on di Oga awa God, until E go favor us.

Ekklesiastes 12:13

So, since yu don hear evritin, dis na my last advise: “Make yu fear God and obey all en kommands, bikos na wetin man suppose do, bi dat.”

Ekklesiastes 5:7

Bikos many dreams and tok-tok nor mean anytin, so make yu dey fear God.

Ekklesiastes 8:12

If pipol wey sin hundred times still get long life, den I know sey pipol wey dey fear God, na dia life go long pass.

Malakai 1:6

Oga God ask di priests, “Pikin dey honor en papa and savant dey respet en masta, but wetin make una nor dey honor mi wey bi una papa? If I bi una masta, why una nor dey respet mi? Una nor dey respet mi, yet una dey ask, ‘How wi nor take dey respet Yu?’

Matiu 6:22

“Na eye bi di lite for pesin body. If pesin eye dey okay, lite go full en body.

Matiu 8:9

Misef, I bi man wey get oga and I still get sojas wey dey under mi. If I kommand one sey make e ‘Go’, e go-go, if I kommand anoda one sey make e ‘Kom’, e go kom and if I kommand my savant make e ‘Do dis tin’, e go do am.”

Luke 6:46

“Why una dey koll mi, ‘Oga God’ and una nor dey do wetin I tell una?

Luke 7:8

Bikos mi too get pipol wey big pass mi and I get di ones wey I big pass. If I tell one, ‘Go!’ E go-go and anoda one, ‘Kom!’ E go kom and if I tell my savant, ‘Do dis tin!’ E go do am.”

Acts 2:46

Dem dey stay togeda evriday like one big family. Dem dey gada go di temple togeda and dem dey go from house to house, dey chop togeda with happiness.

2 Korintians 7:1

So, as God don promise us all dis tins, make wi wosh awasef komot from evritin wey go fit make awa body or awa soul dirty, so dat wi go dey holy as wi dey respet God.

Galatians 1:10

Una tink sey, I dey try to do tins make pipol for like mi? Abi I dey do wetin God wont? Or I dey try to make belle sweet pipol? If I dey try to make belle sweet pipol, den I nor bi Christ savant again!

Kolossians 3:20

Una wey bi pikin, make una dey obey una papa and mama for evritin, (dey do evritin wey una papa and mama tok), bikos na wetin Christ like bi dat.

1 Tesalonians 2:4

but na God choose us to prish di gospel and na so wi dey prish am. Wi nor dey do am make pipol for praiz us, but make God wey dey si awa heart, praiz us by ensef.

Filemon 1:16

Nor bi as slave, but as broda wey wi love, bikos e don big pass slave. E don bikom awa broda naw, bikos God don shange am.