Kolossians 3:14 - Holy Bible Nigerian Pidgin English

¹⁴ With all dis good tins, make una love one anoda, bikos na love bi di best tin wey fit whole una togeda.

Kolossians 3:14 ပူးပေါင်းရင်းမြစ်များ

John 13:34

“I dey give una new kommand: Una must love each oda, as I love una,

John 15:12

Dis na di kommand wey I give una sey, ‘Make una love each oda di way I love una.’

John 17:23

I dey with dem and yu dey with mi, so dat dem go really bi one, just as wi bi one and di world go know sey na yu send mi and yu love dem, as yu love mi.

Romans 13:8

Make love bi di only tin wey yu dey whole! If yu love odas, yu don do evritin wey di law tok.

Efesians 1:4

Before God kreate di world, E choose us thru Christ bikos E love us, so dat for en front, wi nor go get any fault and wi go dey holy.

Efesians 4:3

Make una dey do evritin wey una fit do to keep di unity wey di Spirit dey give, as una dey live togeda for peace.

Efesians 5:2

Make wi love one anoda, just as Christ love and sakrifice ensef as ofrin wey get betta smell to God, bikos of us.

Kolossians 2:2

Wetin I wont bi sey, wen una don really undastand God sekret wey dey inside Jesus Christ, make una heart dey strong with love, so dat una go get evritin wey una wont.

1 Tesalonians 4:9

No nid to rite give una about love for una fellow Christians, bikos God ensef don tish una about how una suppose love each oda.

1 Timoti 1:5

But di rizin why I dey give dis kommand, na bikos I love dem from my heart with betta mind and faith.

Hibru 6:1

E don rish wen wi go stop to learn only di first tins wey Christ tell us, so make wi dey grow kon know Christ more-more. Wi nor nid to still dey tish una about tins wey dey kause deat; why wi must bilive God;

1 Pita 4:8

As una dey do so, make una love for each oda dey strong, bikos love dey kover plenty sins.

2 Pita 1:7

and love una brodas and sistas without parsha.

1 John 3:10

Na like dis una go take know God and devil shidren. Pesin wey nor dey do wetin good for God eye and nor love en broda or sista for Christ, nor bi God pikin.

1 John 3:23

Na wetin E kommand bi dis, “Make wi bilive en pikin Jesus Christ name and make wi love each oda, even as E don kommand us.”

1 John 4:21

God don kommand us sey: “If anybody love mi, make e love en broda and sista for Christ too.”