Kolossians 2:20 - Holy Bible Nigerian Pidgin English

²⁰ Since una don die with Christ and e don free una from wiked pipol, den why una still dey bihave as pipol wey nor know God?

Kolossians 2:20 ပူးပေါင်းရင်းမြစ်များ

John 15:19

If una bi friend with di pipol for dis world, dem go love una as dia own pipol. But una nor bi dia friend, bikos I don choose una from di world, naim make dem nor like una.

2 Korintians 10:3

Bikos even doh wi dey for dis world, wi nor dey fight as pipol wont am.

Galatians 4:3

Na so e bi with us wen wi small; wi dey under di pawa wey dey kontrol dis world,

Galatians 6:14

I nor go boast about anytin escept for di sofa wey awa Oga God Jesus Christ sofa and bikos of dat sofa, di world nor mean anytin to mi and I don die to di world too.

Efesians 2:15

E don kansol Jew pipol law with all en kommand and rules, so dat e go fit make Jew and Gentile pipol to bi one with am and like dis, peace go dey among dem.

Kolossians 2:14

E don distroy doz bad-bad tins wey una dey do and wetin dem rite about awa debt wey fit kill us, God remove am kon nail dem for di cross.

Kolossians 2:16

So make una nor let anybody take food, drink, party, new moon or Sabat Day matter, take judge una.

Kolossians 2:21

Wen dem sey, make pipol nor whole, chop or tosh some tins, e nor mean anytin.

Kolossians 2:8

Make una take kare and nor let anybody fool una with wayo tok about human being wisdom and spiritual pawas wey dey rule di world, but make una dey do as Christ wont.

Kolossians 3:3

bikos una don die and una life dey save with Christ for inside God.

Hibru 13:9

Make una nor let difren-difren prishin wey una nor know turn una head. Una spiritual pawa dey kom from God grace, nor bi from food wey dem sakrifice, bikos di sakrifice nor fit help pipol wey dey do am.

James 4:4

Una wey dey do bad tins for dis world, una nor know sey to bi dis world friend, mean sey una bi God enemy? So anybody wey gri sey en and dis world na friend, don make ensef God enemy.

1 John 5:19

Wi know sey wi bi God shidren and dis world wey wi dey so, na wiked pipol dey rule am.