Kolossians 2:19 - Holy Bible Nigerian Pidgin English

¹⁹ Dat pesin nor dey with Christ wey bi di head. Bikos na Christ join di whole body togeda, as dem dey grow inside God.

Kolossians 2:19 ပူးပေါင်းရင်းမြစ်များ

Luke 5:38

Instead, pipol suppose pour new wine inside new wine bag.

John 17:21

Papa, I dey pray, so dat all of dem go get one mind, just as mi and yu bi one. I still dey pray make dem dey with us, so dat di world go bilive sey na yu send mi.

Acts 4:32

All di pipol wey bilive Jesus Christ kon dey do tins togeda with one mind and nobody sey e go use wetin e get for ensef alone, so dem kon dey share dia propaty togeda.

Romans 11:17

Gentile pipol, una bi like branches wey dem add join olive tree. Una don take di place for some branches wey God first kut komot. So una dey enjoy di blessings, wey di rut dey give.

1 Korintians 1:10

My brodas and sistas, I dey beg una with awa Oga God Jesus Christ name sey, make una nor kworel, but make una get one mind for evritin wey una dey do.

1 Korintians 11:3

but I wont make una undastand sey as Christ bi evribody head, na so too husband bi head for en house and na God bi Christ head.

1 Korintians 3:6

I dey plant di seed and Apollos dey wota dem, but na God dey make di seed grow.

Efesians 1:22

God put evritin under Christ leg kon make am head for di church and Oga God for evritin.

Efesians 1:23

Na di church bi Christ body and naim dey make evritin for evriwhere full and komplete.

Efesians 2:21

Na for inside Christ di whole building for join togeda kon grow as one holy Temple for God and

Efesians 4:3

Make una dey do evritin wey una fit do to keep di unity wey di Spirit dey give, as una dey live togeda for peace.

Efesians 5:29

Nobody don ever hate e own body, but e dey feed and kare for am, just as Christ dey kare for di church,

Filippians 1:27

Make una life dey show sey una bilive Christ message, so dat weda I kom si una or not, I go dey hear sey una dey strong with one spirit, one mind and dey fight togeda make di gospel for stand.

Kolossians 1:10

den una life go betta just as Christ wont. For all di good tins wey una dey do, make una dey bear fruit and learn to know God more-more.

Kolossians 1:18

Na-im bi head for di body wey bi di church and from di biginnin, na-im bi di first-born wey raiz-up from grave, so dat e go bi nomba one for evritin.

Kolossians 2:2

Wetin I wont bi sey, wen una don really undastand God sekret wey dey inside Jesus Christ, make una heart dey strong with love, so dat una go get evritin wey una wont.

1 Tesalonians 3:12

Make Christ make una love for each oda and for evribody, grow more-more and big, just as awa love for una bi,

1 Tesalonians 4:10

And una really dey show love to di Christian brodas and sistas for Masidonia. My brodas and sistas, wi dey beg una sey, make una kontinue to dey do like dat.

2 Tesalonians 1:3

Wi get betta rizin to dey tank God evritime for una, bikos una faith dey grow more-more and di love wey una get for each oda, dey grow too.

1 Pita 3:8

So, make una live for peace togeda, dey sorry for each oda; love one anoda and nor dey karry body up.

2 Pita 3:18

But make una grow inside di grace wey awa Oga God and Savior, Jesus Christ give una, so dat una go know am more-more. Make glory bi en own, naw and forever! Amen.