Kolossians 1:29 - Holy Bible Nigerian Pidgin English

²⁹ So na dis tins I dey struggol and work for akordin to en pawa wey dey work inside mi.

Kolossians 1:29 ပူးပေါင်းရင်းမြစ်များ

Luke 13:24

“Make una struggol well-well so dat una go fit pass di small door, bikos many pipol go try to enter God Kingdom, but dem nor go fit.

Romans 15:20

But I like to prish di Good News for where pipol nor know Christ, so dat I nor go build house on-top anoda man foundashon,

Romans 15:30

My brodas and sistas, I dey beg una with Jesus Christ and di Holy Spirit love; make una help mi pray to God.

1 Korintians 12:11

But na di same Spirit dey do all dis tins and e dey choose di kind gift wey e wont give each pesin.

1 Korintians 12:6

and each of us dey do difren tins. But na di same God dey work for awa life and E dey help us do evritin.

1 Korintians 15:10

But God kind! I bi wetin I bi and God mesi for mi, nor bi yeye tin. I dey work pass any oda apostle; aldo na God grace dey help mi.

2 Korintians 11:23

Na Christ savants bi? (I don dey tok like sey I dey kraze again!) Misef na Christ savant wey betta pass dem! I don work hard pass dem, I don dey prison plenty times pass dem, dem don beat mi well-well pass dem, I don nearly die plenty times.

2 Korintians 13:3

bikos una sey make I show sey Christ dey tok thru mi. Christ nor dey weak to una, bikos e show en pawa among una.

2 Korintians 5:9

So, weda wi dey alive or wi don die, wi dey do evritin wey wi fit do to make Christ happy.

2 Korintians 6:5

for di time wey dem dey beat us and put us for prison; for di time wey dem dey fight; for wahala time; for nite wey wi nor fit sleep and for hongry time.

Efesians 1:19

Una don si how en pawa big rish, bikos una bilive am. Dis na di pawa wey dey do big-big tins for us.

Efesians 3:20

So, make all di glory bi God own; di Pesin wey dey do pass di tins wey wi go fit ask or tink, thru en pawa wey dey work inside us.

Efesians 3:7

I bi dis gospel savant, bikos of God grace wey E give mi thru di work wey en pawa dey do.

Filippians 1:27

Make una life dey show sey una bilive Christ message, so dat weda I kom si una or not, I go dey hear sey una dey strong with one spirit, one mind and dey fight togeda make di gospel for stand.

Filippians 1:30

bikos una dey face di same sofa wey una si mi dey face. And I wont make una know sey, even naw, I still dey sofa di same tin.

Filippians 2:13

bikos na God dey work inside una and una go fit do good tins kon get di pawa wey go make una happy.

Filippians 2:16

bikos una get God message wey dey give life. So, di day wen Christ go kom, I go get rizin to boast sey I nor run dis race or work for nor-tin.

Kolossians 2:1

Pipol for Laodicea and doz wey neva si mi face-to-face, I wont make una know how I dey work for una rish.

Kolossians 2:12

Bikos wen dem baptize una, dem beri una with am and una follow am raiz-up thru di faith wey God pawa dey give and na dis God raiz am up.

Kolossians 4:12

Epafras, wey bi one among una and Christ savant, dey greet una. E dey pray well-well for una, so dat una leg go strong for groun and una go grow as una dey learn di tins wey God wont.

1 Tesalonians 2:9

But awa brodas and sistas, wi hope sey una remember as wi dey work for both day and nite, so dat as wi dey prish di gospel, wi nor go bi problem to una.

2 Tesalonians 3:8

Wi nor chop anybody food wey wi nor pay for. Instead, wi dey struggol and work hard for day and nite, so dat wi nor go bi wahala to una.

2 Timoti 2:10

So I dey ready to bear di sofa, as long as e go save doz wey God don choose inside Christ with glory wey go dey forever and ever.

Hibru 12:4

As una dey struggol make una nor for sin, una struggol neva rish to kill una as Christ die.

Hibru 13:21

make E give una evritin wey una nid to do wetin E wont. Anytin wey good for en eye, make E do am inside us thru Jesus Christ. Make all glory bi Jesus Christ own forever and ever. Amen!

Revelashon 2:3

I still know sey yu don bear many tins bikos of my name and still, yu neva taya.