Kolossians 1:28 - Holy Bible Nigerian Pidgin English

²⁸ As wi dey tell evribody wetin dem go do, wi dey prish Christ and tish with wisdom, so dat wen wi go show una to Christ, una go don dey pafet.

Kolossians 1:28 ပူးပေါင်းရင်းမြစ်များ

Ezra 7:25

As for yu Ezra, make yu use di wisdom wey yor God give yu, take choose ofisas and judge wey dey obey God and na dem go rule di pipol for West Eufrates. Yu must tish evribody wey nor know di law.

Proverbs 8:5

Una wey nor know anytin, make una get wisdom. Una wey nor wise at-all, make una try get sense.

Ekklesiastes 12:9

Nor bi sey na only sense di tisha get, but e still dey tish di pipol how to get wisdom. E take en time take tish and show dem many proverbs.

Jeremaya 3:15

I go give una kings wey go obey mi and dem go rule una with wisdom and undastandin.

Jeremaya 6:10

So I ansa, “If I go warn and tok to dem, na who go gri listin? Dia ear block, so dem nor go hear mi, bikos God word dey make dem vex well-well and dem nor like am at-all.

Ezekiel 7:10

Si! Di day for strong wahala dey kom. Trobol go take-ova evriwhere and pipol go dey karry body anyhow.

Matiu 28:20

dey tish dem to do evritin wey I tish una. I go always dey with una until di world go end.”

Matiu 3:7

But wen e si many Farisee and Sadusi pipol dey kom make e baptize dem, e kon tell dem, “Una, snake shidren! Who warn una about God judgement wey dey kom?

Matiu 5:48

So make una dey pafet as una Papa wey dey for heaven, pafet.”

Mark 6:34

Wen Jesus kom down from di boat, e si plenty pipol and e kon sorry for dem, bikos dem bi like animal wey nor get who dey look afta dem. So e kon tish dem many tins.

Luke 21:15

bikos I go give una di word wey una go tok and wisdom wey una enemy nor go fit oppoz.

Acts 10:36

Una know di message wey E send to Israel pipol, wen E tok about di Good News wey dey give peace, thru Jesus Christ, di real Oga God.

Acts 11:20

But some among dem wey kom from Cyprus and Sirene kon go Antiok dey tok to di Greek pipol about di Good News wey koncern Jesus Christ.

Acts 13:38

So my pipol, make una know sey, na thru dis Pesin wi dey prish sey, ‘God go forgive una.’

Acts 17:18

So some wise men wey dey learn Epikurean and Stoik kon dey tok with am and some sey, “Wetin dis mumu and toku-toku tink sey e know wey e won tell us?” Some still sey, “E bi like sey e dey prish about some gods from anoda tribe.” (Dem tok so, bikos e dey prish di Good News about Jesus Christ and en resureshon.)

Acts 17:3

dey show dem how God word sey Christ must sofa and e go raiz from grave. E tell dem, “Dis Jesus wey I dey tell una about so, naim bi di Christ.”

Acts 20:31

So make una shine una eye and remember sey, for day and nite for three years, I nor stop to dey kry, as I dey warn una.

Acts 3:20

so dat una go fit get freedom wey God dey give and E go send Jesus Christ, di Mezaya wey E don prepare down, kom meet una.

Acts 5:42

So evriday for di temple kompond and from house to house, dem kontinue to dey tish and prish di Good News sey, “Na Jesus Christ bi di Mezaya.”

Acts 8:35

Filip kon start to prish di Good News about Jesus Christ give di man from di place wey e dey read.

Acts 8:5

Filip travel go Samaria main town kon dey prish about di Mezaya give dem.

Acts 9:20

At wons, e kon start to dey prish for di sinagog sey Jesus Christ na God Pikin.

Romans 16:25

Make wi praiz God, bikos e don make una strong thru dis Good News wey I dey prish about en pikin, Jesus Christ. For many years naw, dem keep dis message for sekret,

1 Korintians 1:23

but di true message about Jesus wey dem kill for cross, naim wi dey prish and di message bi like stone wey Jew pipol kick by mistake kon fall, but to Gentile pipol, na yeye tin e bi.

1 Korintians 1:30

Una don bi Christ friends bikos of God and na thru Christ wi get wisdom, goodness and holiness wey kom from God;

1 Korintians 12:8

Some among us dey fit speak with wisdom and odas with knowledge, but na di same Spirit dey give us all dis gifts.

1 Korintians 15:12

Naw, if wi dey prish sey God raiz Jesus from deat, wetin make some pipol among una dey sey resureshon nor dey?

1 Korintians 2:15

Pesin wey dey listin to di Spirit fit judge oda pipol, but nobody go fit judge dem:

1 Korintians 2:6

Wi dey tok with wisdom to doz wey really know God word, but nor bi with dis world or any ruler wisdom, bikos dia wisdom nor mean anytin.

1 Korintians 4:14

I nor dey rite dis tins make una for shame, but na to korrect una as shidren wey I love.

2 Korintians 10:14

Wi nor dey do awa work pass as wi suppose do am wen wi dey with una, bikos na wi bi first to bring Christ message kom meet una.

2 Korintians 11:2

I dey jealous for una with God jealousy, bikos I promise sey na one man una go marry. Like woman wey nor no man, na so I won give una to Christ.

2 Korintians 4:5

Wi nor dey tok about awasef, but wi dey prish sey, na Jesus Christ bi Oga God and wi bi una slave, bikos of am.

Efesians 3:8

Na mi small pass for all God pipol, but God don give mi grace to prish di Good News give Gentile pipol and dis grace wey Christ give mi, nor dey finish.

Efesians 5:27

E do like dis, so dat di church go bi like wife wey fine well-well, wey nor get any stain, dey do anyhow or get any oda tin wey fit spoil am.

Deutronomi 4:5

Si! I don tish una di rules and law, just as God tell mi, so dat una go dey do dem for di land wey una won enter go stay.

Kolossians 1:22

But naw, with en pikin blood, E don draw una klose kom en present, so dat E go make una en friends wey nor get stain or fault and wey dey holy.

Kolossians 2:10

And una dey komplete inside am; bikos na-im bi di head for all di pawas wey dey for heaven and eart.

Kolossians 2:3

Bikos all di wisdom and knowledge wey God get, E hide dem inside Christ.

Kolossians 3:16

Make Christ word stay inside una and make una dey tish each oda with wisdom wey go make una heart strong. Make una dey sing psalms, hymns and spiritual song and dey do all dis tins to really tank God from una heart.

Kolossians 4:12

Epafras, wey bi one among una and Christ savant, dey greet una. E dey pray well-well for una, so dat una leg go strong for groun and una go grow as una dey learn di tins wey God wont.

1 Tesalonians 4:6

Make nobody shit en Christian broda or make am vex, bikos na God go fight for di pesin wey yu shit and wi don tell una before and wi still dey warn una sey, God go really ponish pipol wey dey do like dat.

1 Timoti 3:16

Wi know sey God ways dey great well-well: Christ kom as human being; di Spirit show sey e dey free; angels si am wen e kom prish among Gentile pipol; pipol bilive am for di world and God karry am go heaven with glory.

1 Timoti 3:2

Leader for church must bi pesin wey nor get fault; wey get only one wife; fit kontrol ensef; get sense and respet; dey welkom pipol and e bi good tisha.

Hibru 10:14

Na with one sakrifice e take klean pipol from dia sins and dem don dey klean forever.

Hibru 13:21

make E give una evritin wey una nid to do wetin E wont. Anytin wey good for en eye, make E do am inside us thru Jesus Christ. Make all glory bi Jesus Christ own forever and ever. Amen!

2 Pita 3:15

God dey wait with patient, so dat una go turn from sin kom meet am, just as awa broda Paul rite give una akordin to di wisdom wey God gi-am.