Kolossians 1:27 - Holy Bible Nigerian Pidgin English

²⁷ God wont make dem know di rishis wey dey en glory; wey di sekret get for evribody and na-im bi Christ wey dey inside una. So una get hope sey una go share for God glory.

Kolossians 1:27 ပူးပေါင်းရင်းမြစ်များ

Matiu 13:11

Jesus ansa dem, “God don make una know all di sekret tins about en kingdom, but dis pipol nor know.

Luke 17:21

and nobody go fit sey, ‘Si am for here!’ Or ‘Si am for der!’ Bikos true-true, God Kingdom don already dey with una.”

John 14:17

Naim bi di Spirit wey dey tok trut, wey pipol for dis world nor go fit receive, bikos dem nor fit si am or know am, but una know am, bikos e dey stay inside una.

John 14:20

Dat time, una go know sey I dey inside my Papa and una dey inside mi, as I dey inside una.

John 14:23

Jesus ansa am, “Anybody wey love mi, go do wetin I tok and my Papa go love am, den wi go kon meet and stay with am.

John 17:26

I don help dem know yor name and I go dey try to make oda pipol know am too, so dat di love wey yu get for mi, go dey with dem, as I dey with dem.”

John 6:56

Di pesin wey chop my flesh and drink my blood, go stay inside mi and I go dey inside am too.

Romans 11:33

Who fit know how God big rish? Who fit know how God wisdom and undastandin bi? Who fit esplain why God dey do wetin E dey do!

Romans 2:4

May bi una dey take God kindness, patient and endurance as yeye tins. Una nor know sey God dey kind, bikos E wont make una turn from sin kom meet am?

Romans 5:2

Na faith e take buy us so dat wi go enter God grace, di place where wi dey naw. So wi fit boast with God glory wey wi dey enjoy.

Romans 8:10

Christ dey live inside una. So una dey alive, bikos God don asept una, even doh una body must die, bikos of una sins.

Romans 9:23

E dey do like dis to show en glory wen E pity for pipol wey E choose to show en glory.

1 Korintians 3:16

Una nor know sey una bi God Temple and en Spirit dey inside una?

2 Korintians 2:14

But make wi tank God wey make us winners inside Christ. Bikos thru us, many pipol don know tins about Christ, like betta perfume wey dey smell for evriwhere.

2 Korintians 4:17

Bikos di small trobol wey wi dey face naw, go bring glory wey big well-well, wey go last forever and wey betta pass anytin for dis world.

2 Korintians 4:6

Bikos God wey sey, “Make lite shine from darkness,” Na-im dey shine inside awa heart, so dat E go give us di lite wey show us en glory wey dey Christ face.

2 Korintians 6:16

Wish kind business God Temple and juju get? Bikos wi bi God Temple, just as God sey, “I go stay inside dem and waka among dem, den, I go bi dia God and dem go bi my pipol.”

Galatians 2:20

I don die with Christ for cross, so nor bi mi dey live again, but na Christ dey live inside mi. Di life wey I dey live naw, na bikos of di good tins wey God pikin do inside mi, bikos e love and die for mi.

Galatians 4:19

My shidren! Just like woman wey won born, I dey feel pain for una, until Christ pawa go dey inside una life!

Efesians 1:7

Na thru Christ blood wi take get salvashon and na dis blood make God dey forgive us awa sins, bikos en grace big well-well.

Efesians 2:22

thru am, God don build una togeda as where E go dey stay thru di Spirit.

Filippians 4:19

My God go give una evritin wey una nid, bikos of en glory and propaty wey dey inside Jesus Christ.

Kolossians 1:5

Wen una first hear about di Good News wey bring trut, una kon get love and faith for wetin God prepare for una for heaven and na dis gospel

Kolossians 2:3

Bikos all di wisdom and knowledge wey God get, E hide dem inside Christ.

Kolossians 3:11

For heaven, e nor get anytin like Greek or Jew pesin; pesin wey dem sekonsaiz or not; bush pesin; pipol wey dey chop human being; slave or free pesin, but na Christ bi all and e dey inside all of us.

1 Timoti 1:1

Paul wey bi Jesus Christ apostle thru God awa Savior kommand, na-im rite dis leta and na Jesus Christ bi di hope wey wi get:

Hibru 6:19

Dis hope strong for awa heart like ship wey dem tie make e nor for move, bikos di hope wey wi get dey kamkpe and strong gidigba. Di promise go take us pass di curtain for heaven, until wi rish where God dey;

1 John 4:4

My shidren, una kom from God and una don get viktory ova doz pipol, bikos di pesin wey dey inside una, big pass di pesin wey dey di world.

Revelashon 3:20

Listin! I stand for di door dey nok! If anybody hear my vois, kon open di door, I go enter go meet am, kon follow am chop and e go chop with mi too.