Judges 5:12 - Holy Bible Nigerian Pidgin English

¹² Deborah, make yu wake-up! Deborah, I sey make yu wake-up! Make yu wake-up kon sing song! Barak wey bi Abinoam pikin, make yu stand up go free doz wey dey prison.

Judges 5:12 ပူးပေါင်းရင်းမြစ်များ

Psalms 108:2

Jita and trumpet, make una wake-up! I go wake-up for early morning kon praiz Yu with song from my mout.

Psalms 57:8

So, make my heart wake-up! Trumpet and jita, make una wake-up too! Mi mysef go wake-up for morning with song for my mout.

Psalms 57:9

I go tank Yu wey bi my God for where evribody dey. I go sing yor praiz among all di nashons.

Psalms 68:18

God klimb go where high well-well. E don katch and put many pipol for prison. Even men wey sin well-well dey praiz Yu. True-true, di Oga awa God dey stay for der!

Isaya 14:2

Oda pipol go help Israel pipol kom back to dia land. Israel pipol go kom back to di land wey God give dem and pipol go serve dem. Den Israel pipol go opress doz wey bin katch dem kon rule di pipol wey bin sofa dem.

Isaya 33:1

Pesin wey dey spoil pipol waka nor betta pass doz wey don die, bikos nobody spoil am. Di pesin wey dey deceive odas nor betta pass who don die, even doh nobody deceive am. Wen yu don spoil and deceive pipol finish, oda pipol go spoil and deceive yu too.

Isaya 51:17

Jerusalem, make una wake-up! Make una karry unasef up! Una don drink from di ponishment cup wey God give una, bikos E dey vex. Una drink am and e dey make una stagga.

Isaya 51:9

Oga God, make Yu raiz-up kon help us! Save us with yor pawa. Make Yu use yor pawa, just as Yu dey do before. Di monsta wey dem dey koll Rahab wey dey di sea, na Yu kut am to pieces.

Isaya 60:1

Jerusalem pipol, make una raiz and shine like sun, bikos God glory dey shine on-top una!

Jeremaya 31:26

Den pipol go sey, ‘Wi sleep in peace and wake-up in peace.’ ”

1 Korintians 15:34

Make una get sense and stop to dey kommit sin. I still dey sopraiz sey some pipol among una nor know God.

Efesians 4:8

Na dis make dem sey, “Wen e raiz-up go heaven, E karry many prisonas wey E free follow body and E give plenty gift to pipol.”

Efesians 5:14

Bikos na lite dey make evritin shine kom out and na dis make dem rite sey: “Wake-up; yu wey dey sleep! Make yu raiz from grave and Christ go shine for yor life!”

2 Timoti 2:26

Den dia sense go korrect and dem nor go fall enter devil trap again. Bikos devil don katch dem put inside en trap before, so dem dey do anytin wey e wont.

Judges 5:13

Den doz wey remain kom down from Tabor go meet dia leaders. God pipol dey ready to fight.