Judges 3:9 - Holy Bible Nigerian Pidgin English

⁹ Wen Israel pipol kry give God make E help dem, God kon send one man among dem wey save dem. En name na Otniel wey en papa na Kenaz wey bi Kaleb yonga broda.

Judges 3:9 ပူးပေါင်းရင်းမြစ်များ

Nehemaya 9:27

so Yu kon allow dia enemies win and rule dem. But wen dem koll Yu for help wen dem dey trobol, Yu ansa dem from heaven. Bikos of yor great mesi, Yu send leaders wey kom save dem from dia enemies.

Psalms 22:5

Dem kry give Yu and Yu diliver dem. Dem trust Yu and Yu nor ever disgrace dem.

Psalms 78:34

Wen God dey kill dem, dem kon dey beg make E sorry for dem. Dem turn to God kon take am sirious.

Joshua 15:17

Wen Otniel, Kenaz pikin wey bi Kaleb broda win am, Kaleb kon give en dota, Aksah to am as wife.

Judges 1:13

Kenaz wey bi Kaleb yonga broda, na-im pikin Otniel attack and seize Kiriat-Sefer. So Kaleb pikin, Aksah kon bi Otniel wife.

Judges 10:10

Den Israel pipol kon kry give God sey, “Wi don sin against Yu. Wi leave Yu kon dey woship Baal juju.”

Judges 2:16

Den God give Israel pipol leaders wey kom save dem from dia enemies hand.

Judges 2:18

As long as di leaders wey God give di pipol dey alive, E help and diliver dem from dia enemies. God sorry for dem well-well wen dem kry to am with pain, bikos of wetin dia enemies dey do dem.

Judges 3:15

But wen Israel pipol kry give God for help, God kon still send one man go save dem. En name na Ehud, Gera pikin. Na left hand e dey use pass and e kom from Benjamin tribe. Israel pipol send Ehud go meet King Eglon for Moab with many gift.

Judges 3:8

So God vex well-well kon send dem go serve King Kushan-Rishataim for Aram Naharaim for eight years.

Judges 4:3

Sisera, get 900 iron war horse and e opress and rule Israel pipol with wikedness for twenty years, before Israel pipol kon kry give God make E help dem.

Judges 6:7

Den, Israel pipol kon kry give God make E help dem.

1 Samuel 12:10

Den Israel pipol kry to God sey, ‘Wi know sey wi don sin, bikos wi don forget Yu and wi dey serve juju and Ashtoret image. Abeg! Make Yu kom save us from awa enemies hand and wi go serve Yu forever.’