Jonah 1:5 - Holy Bible Nigerian Pidgin English

⁵ Di sailors kon dey fear; evribody bigin kry kon dey pray to dia difren juju. Den dem kon dey trowey dia load for wota make di ship for lite. By dis time, Jonah dey inside-inside di ship dey sleep.

Jonah 1:5 ပူးပေါင်းရင်းမြစ်များ

1 Kings 18:26

So dem take one melu as Elijah tok kon kill-am put on-top di firewood wey dem arrange. Dem koll dia juju, Baal name from morning go rish aftanoon kon dey sey, “Baal! Make yu ansa us o-o.” But e nor ansa dem, even as dem dey jump anyhow for di altar wey dem make.

Job 2:4

Satan ansa, “Di true bi sey, pesin go give Yu evritin wey e get, so dat e nor go die.

Psalms 107:25

E kommand and breeze raiz-up with all di waves for di sea.

Psalms 148:8

Make big-big stones with fire, snow and kloud, wind and weda, obey am.

Ekklesiastes 3:6

Time dey to find sometin and time dey to stop to find; time dey to keep sometin and time dey to trowey tins.

Isaya 45:20

God sey, “Una wey survive for di nashons, make una gada kom! Pipol wey dey waka for evriwhere with di wood juju wey dem dey serve kon dey pray give oda gods wey nor fit save dem, nor know anytin at-all!

Jeremaya 2:28

Where di gods wey una make for unasef? Wen ever una dey for trobol, make dem kom save una if dem fit! True-true, di gods wey dey Judah many like di towns wey dem get.

Hosea 7:14

Dem nor dey pray give mi with all dia heart. Instead, dem dey pritend dey kry and take body nak dia bed, just as doz wey nor know God dey do. Anytime dem dey do di korn and wine ofrin, dem dey kut demsef like sinnas and dem nor gri do wetin I tok.

Jonah 1:14

So dem kry to God sey, “God wey get pawa, wi beg, make Yu know let us die, bikos of dis man! Make Yu know ponish us sey wi kill dis innocent man, bikos Yu wey bi Oga God, must do wetin Yu wont.”

Jonah 1:16

Dis tin make di men fear God well-well, so dem offa sakrifice gi-am kon promise to serve am.

Jonah 1:6

Wen di kaptain for di ship si am, e kon wake and ask am, “How kom yu fit dey sleep for dis kind time? Make yu get up kon pray to yor God make E kom help us. May bi E go sorry for us kon save awa life.”

Matiu 25:5

E kon happen sey di man wey won marry, nor kwik kom, so all di virgins kon sleep.

Matiu 26:43

E kom back kon si en disciples dey sleep again; dem nor fit open dia eyes.

Matiu 26:45

Den e kon meet di disciples ask dem, “Una still dey sleep and rest? Si, di time don dey rish wen dem go sell Man Pikin give sinnas.

Acts 27:38

Wen dem don chop beleful, dem kon trowey all di remainin bread inside di wota make di ship nor for heavy again.

Judges 16:19

Delilah deceive Samson sleep for en lap, den koll one man make e kut di seven hair komot. Den e put am for groun small-small, bikos en pawa don leave am.

1 Samuel 24:3

E rish one place where sheep dey for di road side and rock wey whole dey inside, dey der too. Den e go inside di rock go rest. Naw, David and en men sidan for di rock back (Dem hide for der).