John 8:58 - Holy Bible Nigerian Pidgin English

⁵⁸ Jesus ansa dem, “Na true word I dey tell una so, before dem born Abraham, I don already dey!”

John 8:58 ပူးပေါင်းရင်းမြစ်များ

Exodus 3:14

God ansa, “I bi Who I bi. Dis na wetin yu go tell dem, ‘Na di God wey bi who E bi send mi kom meet una.’ ”

Isaya 43:13

Even before I kreate di day, I bi who I bi and nobody fit eskape from my pawa. Na who fit shange or skata wetin I don do?”

Isaya 44:6

God wey dey rule and protet Israel pipol; di Pesin wey get pawa sey, “Na mi bi di First and di Last; e nor get any oda god apart from mi wey bi di Almighty God.

Isaya 44:8

So my pipol, make una nor fear or shake! Una know sey from biginnin kon rish naw, I always dey tok di tins wey go happen and una bi my witness. E get any oda god apart from mi? E nor get any oda god, wey get pawa. I neva si or hear about any one?

Isaya 46:9

Make una remember wetin happen before-before! Na mi bi God and e nor get any oda god. Yes! Na mi bi God and nobody bi like mi.

Isaya 48:12

Jakob shidren-shidren, make una listin to mi! Israel pipol wey I don koll, na mi bi God: na mi bi di first and na mi still bi di last.

Isaya 9:6

Bikos dem don born one pikin for us! God don give us boy pikin! E go bi awa ruler and dem go koll am, “Wonderful Advise, Mighty God, Everlastin Fada and di Prince wey bring peace.”

Mikah 5:2

But yu, Betlehem Efrat yu bi one small town for Judah. But na from yu di pesin wey go rule Israel go from kom and en family dey among Israel pipol since.

John 10:25

Jesus ansa dem, “I don tell una and una nor bilive. Di tin wey I take my Papa name dey do, dey bear witness for mi.

John 17:24

Papa, I wont make di pipol wey yu give mi stay with mi for where I dey, so dat dem go si di glory wey yu give mi, bikos yu love mi before yu kreate di world.

John 17:5

And naw, Papa honor mi, make yu draw mi near yu, just as wi dey before di world start.

John 8:24

Na dis make mi sey una go die inside una sin. Unless una bilive sey, ‘Na mi bi di pesin wey I tok sey I bi’, una go die inside una sin.”

John 8:28

Den Jesus sey, “Wen una don karry mi put for cross, una go know who I bi. I nor just dey do anytin wey I like, but I dey always do wetin my Papa tell mi.

John 8:34

Jesus ansa dem, “Na true word I dey tell una, anybody wey dey kommit sin, na sin bi di masta wey dey rule am.

John 8:51

I dey tell una true word, if anybody follow wetin I dey tish, e nor go die again.”

Kolossians 1:17

Christ dey before evritin and bikos e dey, evritin still dey where dem dey.

Hibru 13:8

Jesus Christ na di same yestiday, today and forever, e nor dey shange!

Revelashon 1:11

“Make yu rite evritin wey yu dey si inside dis book, den send dem go meet di pipol wey dey di seven church wey dey for Efesus, Smyrna, Pergamum, Tiatira, Sardis, Filadelfia and Laodicea.”

Revelashon 1:8

God sey, “Na mi bi di Alfa and Omega, di One wey dey since, wey dey naw and wey go still kom, na mi bi di God Almighty!”

Revelashon 2:8

“Make yu rite di tins wey I won tell yu naw, go give di angel for di church wey dey Smyrna: ‘Dis message na from di Pesin wey bi di First and di Last, di One wey die kon kom back to life.