John 8:55 - Holy Bible Nigerian Pidgin English

⁵⁵ Una nor know am, but I know am and if I sey I nor know am, I dey lie like una. I know am and I dey follow wetin e dey tok.

John 8:55 ပူးပေါင်းရင်းမြစ်များ

Jeremaya 4:22

But God sey, “My pipol foolish well-well, dem nor know mi at-all. Dem bi shidren wey nor get sense and dem nor dey kwik undastand anytin. Na only bad-bad tins dem sabi do.”

Jeremaya 9:3

God sey, “Dis pipol bi like sojas wey don ready dia bows. Dem always dey ready to lie, bikos of dis, dem don get pawa for di land, but na wayo dem take get am. Dem don do many bad tins and dem nor dey tink of mi wey bi dia God.

Hosea 5:4

“Dia wikedness nor allow dem turn kom meet mi wey bi dia God, bikos di juju wey dem dey serve, dey shark dem and dem nor won know mi at-all.

Matiu 11:27

“My Papa put evritin for my hand. Nobody know di pikin, but na only en Papa know am. Nobody know di Papa, but na only di pikin and anybody wey di pikin choose to show.

Luke 10:22

“My Papa don give mi evritin. Nobody know who di pikin bi escept di Papa and nobody know who di Papa bi escept di pikin and pipol wey di pikin choose to show.”

John 1:18

Nobody don fit si God face before. But Jesus, wey bi God ensef, wey en and en Papa bi tait friend, na-im kom show us how God bi.

John 10:15

Bikos my Papa know mi and I know am, naim make mi ready to die for di sheep.

John 15:10

If una do wetin I tok, I go love una, just as I dey obey wetin my Papa tok and E love mi.

John 15:21

Since dem nor know di Pesin wey send mi kom, dem go do all dis tins to una bikos of my name.

John 16:3

Dem go do all dis tins, bikos dem nor know mi and my Papa.

John 17:25

Holy Papa, even if di pipol for di world nor know yu, I know yu and dis ones know sey na yu send mi.

John 6:46

(Nor bi sey anybody don si di Papa before, escept mi wey kom from heaven).

John 8:19

Dem kon bigin kweshon am, “Who bi yor Papa sef?” Jesus ansa dem, “Una nor know mi or my Papa, if to sey una know mi, una for know my Papa too.”

John 8:29

And di Pesin wey send mi dey with mi. E nor dey leave mi, bikos I always dey do di tins wey E wont.”

John 8:44

Na devil bi una papa and na di tin wey una papa wont, naim una dey do. E dey kill pipol from di biginnin and e nor dey support wetin good, as e nor get any good tin inside am. Anytime e dey tok, na di lie wey dey inside am, na-im e dey tok, e bi lie-lie pesin, bikos naim bi lie-lie papa.

John 8:51

I dey tell una true word, if anybody follow wetin I dey tish, e nor go die again.”

John 8:52

Den di pipol sey, “Eehen! Wi don know naw sey demon dey inside yu. Abraham and di profets don die, but yu dey tell us sey, ‘Anybody wey follow wetin I dey tish nor go die.’

Acts 17:23

Bikos as I waka round dey look all di tins wey una dey woship, I even si one shrine wey dem rite put sey: ‘To di god wey pipol nor know.’ So wetin una dey woship wey una nor know, naim I kon tell una about today.

2 Korintians 4:6

Bikos God wey sey, “Make lite shine from darkness,” Na-im dey shine inside awa heart, so dat E go give us di lite wey show us en glory wey dey Christ face.

1 John 1:6

If wi sey wi bi en friend and wi still dey inside darkness, wi dey lie and trut nor dey awa mout.

1 John 2:22

Na who dey lie? Na di pesin wey sey Jesus nor bi di Mezaya! Di pesin wey rijet di Papa and en Pikin, na Christ enemy.

1 John 2:4

Di pesin wey sey, “I know God” and e nor dey do wetin God tok, dat pesin dey lie and di trut nor dey inside am.

1 John 5:10

(Di pesin wey bilive God Pikin, go know inside ensef sey, dis tin na true, but pesin wey nor bilive God, dey sey God dey lie, bikos e nor bilive wetin God tok about en Pikin).

Revelashon 3:9

Listin! Doz pipol from Satan sinagog wey lie sey dem bi Jew, I go make dem bow for yor front, den dem go know sey I really love yu.