John 8:54 - Holy Bible Nigerian Pidgin English

⁵⁴ Jesus ansa, “If I dey praiz mysef, my praiz na yeye one. Di pesin wey dey praiz mi na my Papa, wey una dey sey, ‘Na-im bi awa God.’

John 8:54 ပူးပေါင်းရင်းမြစ်များ

Proverbs 25:27

Just as too mush honey nor good for yu, na so too, to make pipol dey praiz yu well-well, nor good.

Isaya 66:5

Make una listin to wetin God tok, “Una own pipol hate and porshu una bikos una dey obey my name. Dem dey laf una sey ‘Oya! Make una honor God name na! Make belle sweet una na!’ ” But make una nor worry, bikos na dem go shame.

Hosea 1:9

So God tell Hosea, “Make yu koll dis one, ‘Nor bi my pipol (Lo-Ammi),’ bikos Israel pipol nor bi my pipol and I nor bi dia God.”

John 17:1

Wen Jesus don tok all dis tins finish, e look heaven kon sey, “My Papa, di time don kom wen yu go give glory to yor pikin, so dat yor pikin go give yu glory too.

John 17:5

And naw, Papa honor mi, make yu draw mi near yu, just as wi dey before di world start.

John 2:11

Dis na di first mirakle wey Jesus do and e happen for Kana wey dey Galilee. Dis na how e show en honor, so en disciples kon bilive am.

John 5:41

“I nor like make pipol dey praiz mi,

John 7:18

Anybody wey dey tok with en own pawa, go wont make pipol praiz am, but di pesin wey won honor who send am, naim dey do wetin korrect and sin nor dey inside am.

John 7:39

(E tok dis tin about di Spirit wey di pipol wey bilive am go get, bikos by dis time, God neva give en Spirit to pipol, bikos E neva honor Jesus Christ.)

John 8:41

Una dey do di tins wey una papa do.” Dem kon tell Jesus, “Awa papa nor born us for outside marriage. Na God ensef bi di papa wey wi get.”

John 8:50

I nor wont make una praiz mi, but na God, di One wey dey heaven, na-im wi suppose praiz and E go judge evribody for di korrect way.

Acts 3:13

Na Abraham, Isaak, Jakob and awa grand-grand papa God, naim karry en savant Jesus Christ go up, di one wey una rijet kon gi-am to Pilate make e judge am, even wen e won free am.

2 Korintians 10:18

Bikos nor bi who praiz ensef dey rite, but na di pesin wey God like to praiz.

1 Pita 1:12

Dem show sey nor bi demsef dem dey work for, but na for una, bikos una hear dis matter from di apostles thru di Holy Spirit pawa wey kom from heaven. Even angels dey wish sey dem know dis tins.

1 Pita 1:21

True am, una bilive God wey raiz am from deat kon gi-am glory. So, una faith and hope dey for God hand.

2 Pita 1:17

God gi-am honor and glory wen di vois sey, “Dis na my Pikin wey I love and e dey make belle sweet mi.”