John 8:12 - Holy Bible Nigerian Pidgin English

¹² Den Jesus sey, “Na mi bi di lite wey dey di world, anybody wey follow mi, nor go waka for darkness lie-lie, but e go get di lite wey go gi-am life.”

John 8:12 ပူးပေါင်းရင်းမြစ်များ

Job 33:28

E don save mi from deat and I still dey alive.

Psalms 18:28

Yu lite one lamp for mi. Na di Oga my God put lite for my darkness.

Psalms 49:19

but dem go die like doz wey don die before and dem nor go ever si day lite again.

Psalms 97:11

Pipol wey dey fear God, lite dey shine for dia body and doz wey get pure heart, dey always happy.

Isaya 49:6

God tell mi, “My savant, I get big work for yu; yu nor go only make Israel pipol wey survive, great again, but I go still make yu di lite for di nashons, so dat all di world go dey save.”

Isaya 50:10

All of una wey dey respet God and obey en savant words, di road wey una dey waka fit dey dark, but make una trust una Oga God! Make una put hope for una God.

Isaya 9:2

Pipol wey dey waka for darkness don si lite. Lite dey shine for doz wey dey stay for di land where strong darkness dey.

Hosea 6:3

So make wi serve God. As far day dey break and rain dey fall for di eart, E go kom save us.

Malakai 4:2

But for una wey dey fear my name, my sun wey dey give life go shine and heal una. Una go dey free kon dey happy like melu pikin wey dem open en kage make e for go play.

Matiu 5:14

“Na una bi lite for dis world and town wey dey on-top mountin, nor dey hide.

Luke 2:32

Na-im bi di lite wey go show Gentile pipol road kon bring honor to yor pipol, Israel.”

John 12:35

Jesus ansa dem, “My lite nor go dey with una tey. Naw wen di lite dey, make una take am waka, so dat darkness nor go kover una. Bikos di pesin wey dey waka for darkness, nor dey si where e dey go.

John 12:36

As una get di lite naw, make una bilive am, so dat una go bi lite shidren.” Wen Jesus don tok dis tin finish, e kon komot der go hide.

John 12:46

I kom as lite for dis world, so dat anybody wey go bilive mi nor go waka inside darkness.

John 14:6

Jesus ansa am, “Na mi bi di road, di trut and life. Nobody go fit go meet my Papa, unless e pass thru mi.

John 3:19

Na dis bi di rizin why God go judge di world, bikos lite don kom inside di world, but pipol like to stay for darkness instead of lite, bikos dem dey do tins wey nor good.

John 7:17

Anybody wey ready to do wetin God wont, di pesin go know weda wetin I dey tish na from God or na my own.

John 9:5

As far as I dey inside dis world, na mi bi di lite for di world.

Acts 13:47

Bikos dis na wetin God don already kommand us sey: ‘I don choose una to bi lite for Gentile pipol, make una bring salvashon kom dis world.’ ”

Acts 26:23

sey Christ sofa and e go bi di first to raiz from deat, so dat e go show di lite to awa pipol and even Gentile pipol.”

2 Pita 2:17

Dis pipol bi like river wey nor get wota, dem bi like kloud wey breeze dey blow anyhow and na dem God dey keep di place wey dark pass, dey wait.

2 Pita 2:4

God nor sorry for di angels wey sin, E trow dem for hell and tie dem for darkness until di day wen E go judge di world.

1 John 1:6

If wi sey wi bi en friend and wi still dey inside darkness, wi dey lie and trut nor dey awa mout.

Jude 1:13

Dem bi like wave for sea wey dey foam kom out. Dem bi like star wey nor dey stay one place and God don keep di place wey deep pass for darkness, dey wait dem.

Jude 1:6

And I still dey remind una about di angels wey nor stay for where God put dem, but kon komot for where dem suppose dey. God don shain dem tie for darkness until wen E go judge di world.

Revelashon 21:24

Na di town lite go show pipol road and di kings wey dey for di world go bring evritin wey dem get kom inside.