John 6:66 - Holy Bible Nigerian Pidgin English

⁶⁶ Afta dis, Jesus many disciples kon stop to follow am.

John 6:66 ပူးပေါင်းရင်းမြစ်များ

Zefanaya 1:6

I go distroy doz wey bin dey woship mi, but nor dey woship mi again. Dem nor dey ask make God guide or bless dem again.”

Matiu 19:22

Wen di yong man hear wetin Jesus tok, e vex waka komot, bikos e get money well-well.

Luke 9:62

Jesus tell am, “Pesin wey put hand for dis work, den e kon dey look back, nor get part for God Kingdom.”

John 2:2

Dem invite Jesus and en disciple for di marriage too.

John 6:60

Wen Jesus many disciples hear wetin e tok, dem kon sey, “Dis tin wey Jesus dey tok so hard well-well o-o! Na who go fit undastand dem?”

John 6:64

But some of una nor bilive.” (From biginnin, Jesus don know di pipol wey nor go bilive and di pesin wey go sell am give en enemy.)

John 7:3

Jesus brodas kon dey tell am, “Komot for here go Judea, make yor disciples si di mirakles wey yu dey do.

John 8:31

Jesus kon tell di pipol wey kom from Judea wey bilive am, “If una obey wetin I dey tish una, den una go bi my disciples

2 Timoti 1:15

Yu know sey evribody for Asia, Figelus and Hermogenes aria, don run leave mi.

2 Timoti 4:10

Bikos Demas love dis world tins, e kon run leave mi go Tesalonika. Crescens don go Galatia and Titus go Dalmatia.

Hibru 10:38

My raitious pipol go live and bilive, but if anybody turn back, I nor go dey happy with am.”

1 John 2:19

Na from us dis pipol from komot, but dem nor really dey God family before, bikos if to sey dem dey, dem for stay with us. But dem live us, so dat evribody go know sey dem nor bi awa own.