John 6:32 - Holy Bible Nigerian Pidgin English

³² Den Jesus tell dem, “Make I tell una true word, nor bi Moses give una bread from heaven, but God, wey bi my Papa, na-im give una di true bread from heaven.

John 6:32 ပူးပေါင်းရင်းမြစ်များ

Psalms 78:23

But E kommand di sky make e open, den E open di doors for heaven.

Exodus 16:4

Den Oga God tell Moses, “I go give una bread from heaven and di pipol go dey gada di ones wey go rish dem chop evriday, so dat I go fit test and know if dem go follow my kommandment.

Exodus 16:8

So Moses sey, “Wen God give una meat chop for evening and bread for morning, den una go know sey, E don hear all una komplain. Wetin wi bi sef? Una komplain nor bi against us, but na against God.”

John 1:9

Na Jesus bi di true lite wey go shine for evribody for dis world.

John 15:1

“Na mi bi di korrect vine and na my Papa bi di gardina.

John 6:31

Awa grand-grand papa dem chop manna for wildaness as dem rite for God word sey, ‘God give dem bread from heaven to chop.’ ”

John 6:33

God bread na di pesin wey kom down from heaven kon give betta life to di pipol wey dey dis world.”

John 6:35

Jesus kon tell dem, “Na mi bi di bread wey dey give life. Pesin wey kom meet mi nor go hongry lie-lie and di pesin wey bilive mi, nor go hongry for wota again.

John 6:41

Den di Jew pipol bigin vex and komplain about Jesus, bikos e tok sey, “Na mi bi di bread wey kom down from heaven.”

John 6:50

Dis na di bread wey kom from heaven, so dat anybody wey chop am, go get life wey nor dey end.

John 6:55

My flesh na di real food and my blood na di korrect drink.

John 6:58

Dis na di bread wey kom down from heaven, e nor bi like di bread wey una grand-grand papa dem chop and afta, dem still die. Di pesin wey go chop dis bread nor go ever die, but e go live forever.”

Galatians 4:4

but wen di rite time rish, God kon send en pikin wey woman born under di law,

1 John 5:20

Wi know sey God Pikin don kom and e don give us sense to know di trut about God. And wi dey inside en Pikin Jesus Christ. Na-im bi di real God and na-im bi di life wey nor go end.